Konflikt mes nxënësve në një shkollë të Durrësit, plagoset me thikë në qafë i mituri

Një sherr që ka degraduar në përdorimin e armëve të ftohta, është regjistruar mëngjesin e kësaj të premte, në Durrës.

Burime për mediat bëjnë me dije se disa nxënës të shkollës 9-vjeçare në Shën Vlash, janë përleshur mes tyre dhe si pasojë ka mbetur i plagosur me thikë njëri prej tyre.

Sipas informacioneve, i mituri ka marrë goditje me thikë në qafë dhe është nisur drejt spitalit të Durrësit për ndihmë mjekësore.

Nuk dihen ende shkaqet dhe rrethanat e ngjarjes, sakaq raportohet se policia ka shoqëruar disa nxënës te klasës së 9-te, të përfshirë në sherr.

Njoftimi i policise

Durrës/Informacion paraprak

Rreth orës 09:30, në shkollën e fshatin Shënavlash, janë konfliktuar fizikisht me njëri-tjetrin disa nxënës të moshave 15, 16 dhe 17 vjeç. Me ndërhyrjen e mënjehershme të oficerit të sigurisë dhe stafit pedagogjik, është parandaluar përshkallëzimi i konfliktit. Nga konflikti është dëmtuar lehtë një 15-vjeçar.

Shërbimet e Policisë, me marrjen e njoftimit, kanë shkuar menjëherë në ambientet e shkollës dhe i kanë shoqëruar të miturit në ambientet e Komiariatit të Policisë, për veprime të mëtejshme.

Të gjitha veprimet po kryhen në drejtimin e Prokurorisë, në prani të psikologut, përfaqësuesit ligjor, oficerit të sigurisë, përfaqësuesit të stafit pedagogjik dhe prindërve të nxënësve.

The post Konflikt mes nxënësve në një shkollë të Durrësit, plagoset me thikë në qafë i mituri appeared first on GIJOTINA.