Futën në Shqipëri medikamente të paautorizuara, Prokuroria e Tiranës dërgon në gjyq 5 shtetas nga Kosova, pasi tentuan t’i kalonin kontrabandë nga Turqia në Shqipëri.

Prokuroria e Tiranës ka mbyllur hetimet për 5 shtetas të Kosovës, duke e dërguar dosjen në gjykatë, për veprën penale ‘Kontrabandë me mallra të licencuara’. Organi i akuzës ka ardhur në përfundimin, se vepra penale është kryer në bashkëpunim nga të pestë personat e arrestuar.

“Mallrat e sekuestruara të cilat klasifikohen ‘barna’ në kuptim të Ligjit nr.105/2014 ‘Për barnat dhe shërbimin farmaceutik’ të ndryshuar kërkojnë: autorizim tregtimi, autorizim përdorimi dhe pullën e kontrollit të lëshuar nga AKBPM në përputhje me detyrimet  e përcaktuara në Ligjin nr.105/2014 ‘Për barnat dhe shërbimin farmaceutik’ të ndryshuar”, thuhet në njoftimin e Prokuorisë së Tiranës.

The post Futën ilaçe kontrabandë nga Turqia në Shqipëri, mbyllen hetimet për 5 shtetasit nga Kosova (Emrat) appeared first on GIJOTINA.