Ivan Balliu akoma nuk ka postuar një njoftim për tërheqjen e tij nga Kombëtarja.

Ishte trajneri Rolando Maran që konfirmoi refuzimin e ftesës. Tashmë ka reaguar edhe presidenti i FSHF, Armand Duka, duke konfirmuar tërheqjen e tij përfundimtare nga Kombëtarja.

POSTIMI I ARMAND DUKËS

“Ivan Balliu ishte gjithmonë gati për Kombëtaren. Një mbrojtës me cilësi të rralla, një profesionist shembullor dhe një njeri që e veshi fanellën kuqezi me dashuri e krenari.

Me vendimin për t’u tërhequr nga Kombëtarja, Ivan mbyll një kapitull të rëndësishëm të karrierës së tij.

Ivan, të falënderoj nga zemra që zgjodhe Shqipërinë, që përfaqësove rrënjët e tua dhe që i dhe kaq shumë Kombëtares. Kam shumë respekt për ty, si futbollist dhe si njeri. Uroj që ky rrugëtim me Shqipërinë të ketë qenë po aq i veçantë për ty sa ka qenë për ne të të kishim në ekip.

Emrin tënd e ke shkruar me shkronja të mëdha në historinë e Kombëtares sonë.

Faleminderit, Ivan! ¡Gracias, Ivan!”

The post Vendimi i Ivan Balliut për të lënë Kombëtaren, reagon Duka: Kam shumë respekt, si futbollist dhe si njeri! appeared first on GIJOTINA.