Uncategorized

“Agasi ishte njeri i afërt me Ramën”, Klodiana Lala: Hetimet për Vlora Hysenin mund të zgjasin deri në 1 vit!

Author

October 09, 2026

Published

Gazetarja Klodiana Lala, e ftuar në emisionin Zonë e Lirë foli për Ergys Agasin.

Lala theksoi se Agasi ishte njeri i afërt me Ramën. Klodiana Lala deklaroi se nuk e mendonte se Agasi do ngjitej në këto nivele të krimit të organizuar.

Klodiana Lala: Nuk e mendoja që Ergys Agasi do të ngjitej në këto nivele të krimit të organizuar. Pasi e ka përmendur Ahmetaj, e kam investiguar.

Ai ka qenë një lloj drejtuesi i AKSHI-t, ai ishte Zoti i AKSHI-t. Kishte shtrirë tentakulat në shumë institucione dhe besoj se pushtetin ia ka dhënë afria me Ramën. Ergys Agasi kishte shtrirë tentakulat në gjitha institucionet.

 

 

Ishte tip operativ, pra që zgjidhte punët aty për aty. Nëse Agasi pretendon se është agjent i SHISH, duhet ta thotë përpara organeve të drejtësisë.

Ajo ka zbuluar detaje të reja nga hetimet për çështjen e Vlora Hysenit, duke deklaruar se telefoni i Ergys Agasit ishte i pastruar, por të dhënat mund të rikuperohen përmes programeve të posaçme dhe ekspertizës teknike.

Gjatë një diskutimi në studio, Lala theksoi se hetimi është ende dinamik dhe mund të zgjasë deri në një vit, duke lënë të kuptohet se zbardhja e plotë e komunikimeve dhe kontakteve kërkon kohë.

Pjesë nga diskutimi në studio:
Klodiana Lala: Telefon i pastruar, por ka një program që mund të rikuperohen të dhënat me ekspertë shumë të mirë. Hetimi është shumë dinamik ende. Hetimi ndaj Vlora Hysenit mund të zgjasë edhe deri në një vit
SEBASTIAN ZONJA: Personazhi që përgjoi t gjithë Shqipërinë dërgon mesazhe dashurie për një person që është në kërkim dhe kërkon e gjithë Shqipëria. Për mua kjo nuk ka kuptim.
Klodiana Lala: Zonja ishte shumë e bindur brenda vetes q nuk do ta kishte SPAK-un pas për shkak të bashkëpunimit institucional së paku.
Flogert Muça: Ekziston edhe mundësia të ketë në dorë instrumenta të tjerë që ka mendar që edhe nëse do të nisë hetimi ka në dorë diçka që çështja të pushohet.
Klodiana Lala: Ka komunikime që nuk i kam publikuar sepse nuk i kam konfirmuar dot. Takimet me Ramën dhe sauditët janë në dosje.

komentoi çështjen e Ballukut dhe përse ajo vazhdon të jetë deputete, edhe pse ndodhet nën hetim nga ana e SPAK për shumë vepra penale.

Lala theksoi se nëse Balluku bie, do të bjerë bashkë me kryeministrin Edi Rama. Sipas saj, askush në PS nuk vepron pa bekimin e kreut të qeverisë.

Klodiana Lala: Nëse bie Balluku, bie edhe Rama. Balluku ka tashmë një tjetër vepër penale të regjistruar.

Unë mendoj që në PS askush nuk vepron pa bekimin e kryeministrit. Fakti që z Rama mbrojti Belinda Ballukun përballë SPAK dhe ajo nuk e dha dorëheqjen, më bën të kuptoj, se nëse Balluku bie, do bjerë bashkë me Ramën. Nuk mendoj se Rama do e lëshojë Ballukun, sepse ajo po hetohet për çështje korruptive shumë madhore.

 

Çështja Balluku është një aferë shumë e thellë kriminale, por ajo është aty, sepse mendoj se atë aktivitet korruptiv e ka kryer me bekimin e kryeministrit.

 

Kam kuptuar që burrat nuk flasin kundër njëri-tjetrit, por mos e merr përsipër inatin e një gruaje. Unë mendoj që Ramën do e rrëzojë vetëm një grua.

The post “Agasi ishte njeri i afërt me Ramën”, Klodiana Lala: Hetimet për Vlora Hysenin mund të zgjasin deri në 1 vit! appeared first on GIJOTINA.