Qindra shqiptarë janë mbledhur para objektit të Dhomave të Specializuara të Kosovës në Hagë, në prag të shpalljes së vendimit për ish-krerët e Ushtrisë Çlirimtare të Kosovës.

Pak orë para shpalljes së aktgjykimit në Hagë për ish-krerët e Ushtrisë Çlirimtare të Kosovës, në Prishtinë është ndezur për herë të fundit “Flaka e Lirisë”.

Në këtë shesh, qytetarët pritet të mblidhen edhe nesër për të ndjekur shpalljen e verdiktit të Dhomave të Specializuara të Kosovës në Hagë.

Disa prej të pranishmëve kanë shprehur gatishmërinë për të qëndruar gjatë gjithë natës në sheshin e Prishtinës, deri në momentin kur nesër do të shpallet aktgjykimi ndaj katër ish-krerëve të UÇK-së.

Qytetarë nga Kosova, por edhe nga vende të ndryshme të Evropës, kanë udhëtuar drejt Hagës për të qenë të pranishëm gjatë ditës së vendimit.

Nderkohe, atmosfera në kryeqytetin e Kosovës mbetet e ngarkuar me emocione, ndërsa vendimi i Hagës pritet me vëmendje të madhe nga qytetarët, familjarët dhe mbështetësit e të akuzuarve.

Gjithashtu drejtori i Shërbimeve Publike në Prishtinë, Leutrim Retkoceri, ka njoftuar për vendosjen e simbolit të UÇK-së “te rrethin” e Prishtinës.

Retkoceri ka publikuar edhe video nga vendosja e simbolit, duke e shoqëruar me një mesazh në pritje të vendimit të Gjykatës Speciale në Hagë për ish-krerët e UÇK-së.

“Sot, mbi Prishtinë valon simboli i lirisë sonë. Në pritje të drejtësisë. Në nderim të UÇK-së. Në emër të lirisë”, ka shkruar Retkoceri.

gijotina.com/

The post Pak orë para vendimit për ish-krerët e UÇK-së, në Hagë mblidhen shqiptarët, në Prishtinë ndizen “Flakët e Lirisë” appeared first on GIJOTINA.