Lens ka shkaktuar surprizën e madhe në Superkupën e Francës, duke mposhtur 1-0 Paris Saint-Germain dhe duke i rrëmbyer skuadrës së Luis Enrique-s trofeun e parë të sezonit.

Vetëm pak ditë pasi triumfoi ndaj Aston Villa-s në Superkupën e Europës, PSG nuk arriti të përsëriste suksesin dhe u mposht në finalen franceze.

Goli i vetëm i ndeshjes erdhi në minutën e 32-të. Matthieu Udol bëri një aksion të shkëlqyer dhe shërbeu për Florian Thauvin, i cili me një goditje të saktë në cepin e poshtëm të portës mposhti Matvey Safonovin për 1-0.

PSG pati mundësinë më të mirë për të barazuar në fundin e pjesës së parë. Në minutën e 45+3-të, Désiré Doué goditi nga afër, por topi u përplas në traversë, duke u mohuar kampionëve të Francës golin e barazimit.

Në pjesën e dytë, Luis Enrique hodhi në fushë disa prej yjeve të skuadrës, mes tyre Ousmane Dembélé, Fabian Ruiz dhe Nuno Mendes, në përpjekje për të ndryshuar rrjedhën e takimit.

Në minutën e 76-të, PSG mendoi se kishte barazuar me Fabian Ruiz, por goli u anulua për pozicion jashtë loje.

Situata u komplikua edhe më shumë për skuadrën parisiene në minutën e 87-të, kur Nuno Mendes u ndëshkua me karton të kuq pas një ndërhyrjeje të rëndë.

Lens rezistoi deri në fund dhe siguroi një sukses të bujshëm 1-0, duke ngritur trofeun e Superkupës së Francës.

Për PSG-në, ky është një zhgënjim i madh në startin e sezonit. Pas triumfit europian ndaj Aston Villa-s, skuadra e Luis Enriques humbet mundësinë për të nisur sezonin me dy trofe radhazi.

The post Lens bën surprizën, mposhti PSG dhe fiton Superkupën e Francës për herë të parë në historinë e saj appeared first on GIJOTINA.