Në qendër të protestës së mbrëmjes së sotme ishte mungesa e këshilltarëve bashkiakë në mbledhjen e Këshillit Bashkiak, të zhvilluar gjatë paradites së sotme.

Protestuesit e konsideruan këtë një qëndrim të papranueshëm përballë një vendimi që, sipas tyre, prek drejtpërdrejt të ardhmen e Divjakës.

“Këshilltarët janë zgjedhur me votën tonë dhe duhet të jenë këtu në mbështetje të qytetarëve, jo të mungojnë në mbledhjet kyçe për të ardhmen e bashkisë sonë!”, u shprehën protestuesit.

Gjatë tubimit, qytetarët kundërshtuan gjithashtu deklaratat e mazhorancës për arritjet e qeverisë, duke thënë se realiteti me të cilin përballen familjet është rritja e kostos së jetesës dhe vështirësitë ekonomike.

Protesta u mbyll me një marshim në rrugët kryesore të qytetit, ndërsa protestuesit përsëritën thirrjen “Divjaka Bashki!”.