Sporti shqiptar është në zi, ndërsa ka ndërruar jetë Artan Pogoni.

Lajmi tragjik për 54-vjeçarin u raportua sot më 28 korrik, kur edhe dyshohet se pësoi arrest kardiak.

Pogoni po pushonte në bregdedin e Radhimës, kur ndodhi edhe ngjarja e rëndë.

Ndërkohë raportohet se u transportua nga autoambulanca e Radhimës drejt Spitalit Rajonal të Vlorës, por pa shenja jete.

Doktor i Shkencave, Profesor Universitar Pogoni me një formim të gjerë akademik, ishte i mbështetur në katër diploma universitare.

Ai ndërtoi karrierën e tij në fushën e shkencave sportive, duke u fokusuar në rekreacionin sportiv dhe në metodologjitë e trajnimit sportiv.

Angazhimi kërkimor ishte i përqendruar në fushën e stërvitjes sportive, volejbollit dhe rekreacionit sportiv.

Ai ka një kontribut të qëndrueshëm në literaturën shkencore, me 12 botime akademike dhe 2 tekste mësimore, të cilat shërbejnë si referencë për studentët dhe profesionistët e fushës.

Përmes këtyre botimeve, Dr. Pogoni ndikoi në pasurimin e bazës teorike dhe praktike të shkencave sportive në Shqipëri.

The post LAJM TRAGJIK! Sporti shqiptar në zi, ndërron jetë Artan Pogoni appeared first on GIJOTINA.