Një aksident rrugor është regjistruar pak minuta më parë në qendër të qytetit të Laçit, pranë bashkisë.

Dy automjete janë përplasur me njëra-tjetrën dhe, si pasojë, tre persona kanë mbetur të plagosur. Të lënduarit janë transportuar drejt Tiranë për të marrë ndihmë mjekësore më të specializuar.

“Rreth orës 17:00, në qytetin e Laçit, një automjet me drejtues shtetasin B. N. është përplasur me një automjet tjetër me drejtues shtetasin A. P.

Si pasojë e aksidentit, drejtuesi i mjetit, shtetasi A. P., dhe dy pasagjerët që ndodheshin me të janë dërguar në Spitalin e Traumës në Tiranë për ndihmë mjekësore më të specializuar. Paraprakisht, ndodhen jashtë rrezikut për jetën”, thuhet në njoftimin e policisë.

Nuk dihen ende shkaqet e aksidentit, ndërsa policia ndodhet në vendngjarje dhe po punon për zbardhjen e rrethanave.

gijotina.com/

The post Përplasje e fortë automjetesh në Laç, raportohen dy të plagosur appeared first on GIJOTINA.