Bayerni i Mynihut ka arritur të kualifikohet në gjysmëfinalen e Champions League pas një mbrëmje spektakolare në “Allianz Arena” përballë Realit, në takimin që përfundoi 4-3 dhe me fitoren 1-2 në ndeshjen e parë.

Takimi i luajtur në Mynih nisi menjëherë me gol, me Guler që përfitoi nga gafa e Manuel Neuer, ndërsa pas 5 minutash, vendasit barazuan me Pavlovic.

Në minutën e 29’, ishte sërish talenti turk që kaloi Realin në avantazh, kësaj radhe me një supergol nga goditja e dënimit.

Gjithsesi, Kane barazoi takimin në minutën e 38’, ndërsa pas 4 minutash, Mbappe kaloi sërish në avantazh madrilenët.

Të dyja skuadrat donin kualifikimin, por gjithçka u vështirësua për “Los Blancos” pas daljes me karton të kuq të Camavingas në minutën e 86’.

Pas tre minutash, Luis Diaz shënoi dhe golin e tretë, ndërsa në sekondat e fundit, Olise dha goditjen përfundimtare.

Kështu, Bayerni kalon më tej në Champions, aty ku do të gjejë PSG-në, ndërsa Reali eliminohet për herë të dytë radhazi në çerekfinale.

Bayern Munchen 4-3 Real Madrid

6′ Pavlovic, 38′ Kane, 89′ L. Diaz, 90+4′ Olise / 1’, 29′ Güler, 42′ Mbappe

Goli i Olise (Video)

Goli i Luis Diaz (Video)

Goli i Mbappe (Video)

Goli i Kane (Video)

Goli i dytë i Guler (Video)

Goli i Pavlovic (Video)

Goli i parë i Guler (Video)

Arsenali është skuadra e radhës që kualifikohet në gjysmëfinalen e Champions League, kjo pas barazimit 0-0 në Londër përballë Sportingut dhe falë fitores 0-1 në ndeshjen e parë në Lisbonë.

Sfida e luajtur në “Emirates” nuk prodhoi shumë raste, me “Topçinjtë” që ruajtën rezultatin e ndeshjes së parë, duke shkuar kështu për të dytën herë radhazi në gjysmëfinale.

Aty, ekipi i Artetës do të gjejë Atleticon e Madridit, që në çerekfinale eliminoi Barcelonën.

gijotina.com/