Liverpooli ka arritur një fitore spektakolare në “Anfield”, duke mundur me rezultatin 4-0 Galatasarayn dhe duke përmbysur humbjen 1-0 të një jave më parë në Stamboll.

Sfida nisi në mënyrën më të mirë për “Reds”, të cilët kaluan në avantazh me anë të Szoboszlait në minutën e 25’ të takimit.

Në fundin e pjesës së parë, Salah kishte rastin të dyfishonte shifrat, por gaboi nga pika e bardhë e penalltisë.

Në pjesën e dytë, ekipi i Slot vendosi çdo gjë në vijë. Në minutën e 52’, Ektike shënoi golin e dytë dhe pas një minute, Gravenberch të tretin.

Kishte festë edhe për Salah, i cili shënoi golin e katërt në minutën e 62’ të sfidës.

Kështu, Liverpool avancon drejt çerekfinales së Championsit, aty ku e pret kampioni në fuqi, PSG.

Në “Allianz Stadium”, skuadra e Kompany që vinte  pas fitores 6-1 ndeshjen e parë në Bergamo, fitoi sërish këtë radhë 4-1. Atalanta nuk kishte në dispozicion në këtë ndeshje Berat Gjimshitin për shkak të një problemi fizik.

Bavarezët në minutën e 25 zhbllokoi rezultatin me Harry Kane që ekzekutoi saktë një 11-metërsh. Në pjesën e dytë Bayerni shënoi edhe dy herë të tjera, sërish me Harry Kane në minutën e 54’ dhe 2 minuta me vonë me Lennart Karl e çoi rezultatin 3-0.

Në minutën e 70’ Luis Diaz plotësoi pokerin e golave për Bayernin e Mynihut, ndërkohë që Atalanta shënoi golin e nderit me Samardzic për rezultatin 4-1 për skuadrën bavareze që në çerekfinale do të luajnë me Realin e Madridit.

gijotina.com/

The post Super Liverpool përmbys me 4 gola Galatasarayn, Bayerni i shënon 10 gola Atalantës, Tottenhamit s’i mjafton fitorja appeared first on GIJOTINA.