Mourinho në garazhet e Bernabeut ndjek Benfikën nga një tablet: snobon Real Madrid

José Mourinho ishte i pezulluar për ndeshjen e kthimit të playoff-it të Champions League kundër Real Madrid. Trajneri portugez nuk mund të ishte i pranishëm në pankinë, por gjeti mënyrën për të bërë sërish të flitet për të. Para fillimit të ndeshjes mendohej se Special One do ta ndiqte takimin nga kabina numër 6 e Bernabeut, e njëjta që ishte përgatitur për Flick, trajnerin e Barcelonës, gjatë Clasicos së fundit.

Disa gazetarë dhe punonjës të Real Madrid, mes të cilëve edhe disa punonjës të sigurisë të thirrur për të mbrojtur hyrjen në kabinë, ishin gati ta ndiqnin trajnerin gjatë gjithë ndeshjes. Por Special One, me një lëvizje surprizë tipike për të, i befasoi të gjithë duke preferuar të qëndronte në garazhet e Bernabeut brenda autobusit të Benficës për ta ndjekur me një tablet ndeshjen që po luhej në fushë. Një zgjedhje e veçantë e trajnerit, për të cilin në kabinë ishin përgatitur edhe pije e snack.

Mourinho is, according to @Record_Portugal, watching the game here

There was a radio booth prepared for him but he decided to stay in the club bus

@ZorroElDiez pic.twitter.com/0REg4SYhMA

— Guillem Balague (@GuillemBalague) February 25, 2026

Lexo më tej: Prestianni sulmon UEFA-n dhe Real Madrid, më pas fshin: “Nuk e fshehin më as këtë”

Mourinho u pa vetëm duke dalë nga hoteli që strehonte Benfikën përpara se të hynte në autobus, nga i cili më pas nuk zbriti më. Sipas “Record”, trajneri do të kishte shkuar vetëm në dhomën e zhveshjes së miqve në pushimin mes pjesëve përpara se të rikthehej në garazhe dhe të rimerrte vendin e tij. Nuk është e qartë pse Mourinho zgjodhi taktikën për të qëndruar në autobus. Por ai nuk mundi të bënte gjë tjetër veçse të asistonte i pafuqishëm përmbysjen e Realit, që eliminoi Benfikën nga Europa dhe arriti në 1/8-at e finales së Champions League.

Tifozët sigurisht mbetën të argëtuar nga kjo strehë e veçantë e Mourinhos, i cili konfirmohet edhe një herë si një personazh unik, i aftë të surprizojë në çdo rast dhe në çdo rrethanë. Special One ishte përjashtuar në ndeshjen e parë dhe, pikërisht për shkak të kartonit të kuq të marrë, vendosi të mungojë edhe në konferencën për shtyp të vigjiljes. Për të drejtuar skuadrën në fushë në Madrid ishte zëvendësi i tij Tralhao, i cili nuk mundi të bënte gjë tjetër veçse të shihte Benficën të përfundonte jashtë kompeticionit.

The post Mourinho në garazhet e Bernabeut ndjek Benfikën nga një tablet: snobon Real Madrid appeared first on Lapsi.al.