Pas SPAK, ku ishte paraditen e kësaj të hëne në zbatim të masës detyrim paraqitje për aferën Partizani, Sali Berisha i vijoi akuzat ndaj qeverisë së kryeministrit Edi Rama dhe George Soros nga selia e PD-së. Në daljen e radhës për mediat, Berisha tha se George Soros me fondacionin e tij, hartoi një dokument sekret në vitin 2013, që “planifikonte” Shqipërinë e ardhshme.
Duke harruar se dikur e vlerësonte dhe e falenderonte edhe për fitoren e PD-së në zgjedhje, Berisha tha se Soros, me këtë dokument, parashikonte konsolidimin dhe përjëetësimin e narkoshtetit të Edi Ramës.”
“Në vitin 2013, fondacioni i Xhorxh Sorosit në Shqipëri harton një dokument sekret, tani imagjinoni, mafioz ë, në një vend përpilon dokumentin sekret mbi Shqipërinë e ardhshme. Dokumenti sekret i Xhorxh Sorosit parashikonte: 1-Reformën konstitucionale apo kazmën konstitucionale. 2-Reformën e drejtësisë. 3-Reformën zgjedhore. Dokumenti sekret i Xhorxh Sorosit parashikonte konsolidimin dhe përjetësimin e narkoshtetit të Edi Ramës, e narkoregjimit të Edi Ramës në Shqipëri. Ndryshimet kushtetuese, reforma zgjedhore, truri i kësaj reforme përbëhej 100 përqind nga bashkëpunëtorët e fondacionit të Sorosit. U mobilizuan presione të jashtëzakonshme që një reformë shkatërrimtare për sistemin e drejtësisë t’u imponohej shqiptarëve.”, u shpreh Berisha.
Vijoi edhe më tej duke thënë se brenda PS-së aktualisht po bëhet një ‘luftë’ për postin e ministrit të Brendshëm dhe se kartelet po ‘garojnë’ për të vendosur një emër pro tyre. Kryedemokrati u pyet edhe për ankimimin në Kolegj Zgjedhor certikimin e zgjedhjeve të 11 majit, ndërsa pretendoi se çdo vendim i institucioneve të administrimit të zgjedhjeve, çdo vendim është dhënë në favor të PS-së.
“Nga data 20 mars, gjeri më sot, çdo vendim i institucioneve të administrimit të zgjedhjeve është marrë në favor të PS. Nga 20 mars e deri më sot, të gjitha shkeljet e mëdha të ligjit, krimet elektorale janë injoruar totalisht me gjithë qindra e mijëra dokumente zyrtare janë injoruar nga narkopolicia, nga institucionet e shqyrtimit të ankesave KQZ, dhe tërësisht nga Altin Troplini. Çdo vendim, i atj që quhet Kolegj Zgjedhor ka qenë kundër opozitës. Megjithatë, thjesht strikt për procedurë, ne kemi paraqitur rastet në kolegj. Opozita ndodhet para frontit më të gjerë e më të vështirë të betejës në tërë ekzistencën e saj. Do të bëjë çdo përpjekje për rikthimin e votës së lirë te shqiptarët dhe desorifikimin e Shqipërisë. Nuk ka vend tjetër që të jetë shndërruar në kopshtin e George Soros dhe Alex Soros si Shqipëria”, shtoi ai.
I pyetur për strategjinë që do të ndjekë PD-ja Berisha tha se do të mbledhë forumet para sesionit të ri parlamentar.
“Forumet do mblidhen gjatë këtyre ditëve dhe do ketë një vendimmarrje para sesionit parlamentar”, tha ai.
The post Fantazia e Berishës: Soros përpiloi një dokument sekret në 2013 për Shqipërinë e ardhshme! Parashikonte konsolidimin e narkoshtetit të Ramës appeared first on www.lexo.al.