Procesi i numërimit të votave nga zgjedhjet e 11 majit po vijon në të gjithë Shqipërinë. Deri në orët e para të mëngjesit të 12 majit, janë numëruar 911 nga 5,225 qendrat e votimit në shkallë vendi, ose mbi 17% e totalit.

Sipas të dhënave paraprake, Partia Socialiste e Shqipërisë (PS) kryeson me 118,213 vota, që përfaqësojnë 53.50% të totalit të votave të deritanishme.

Në vend të dytë renditet Koalicioni Partia Demokratike – Aleanca për Shqipërinë Madhështore (PD-ASHM), me 74,355 vota, ose 33.65%.

Partitë e tjera kanë marrë përqindje më të ulëta. Më tej renditen:

Partia Socialdemokrate (PSD) me 8,477 vota (3.84%)

Koalicioni Nisma Shqipëria Bëhet me 7,839 vota (3.55%)

Partia Mundësia me 5,613 vota (2.54%)

Lëvizja Bashkë me 2,708 vota (1.23%)

Partia Koalicioni Euroatlantik (KEA) me 2,164 vota (0.98%)

Koalicioni Djathtas për Zhvillim (DZH) me 752 vota (0.34%)

Partia Aleanca Kombëtare Shqiptare (AKSH) me 413 vota (0.19%)

Lëvizja Atdheu me 276 vota (0.12%)

Partia Aleanca Demokracia e Re (ADR) me 159 vota (0.07%)

Ndërkohë që numërimi vijon, partitë politike po ndjekin nga afër zhvillimet, ndërsa Komisioni Qendror i Zgjedhjeve (KQZ) bën apel për qetësi dhe respektim të procesit.

Per detaje me shume shikoni harten ne kete link, duke klikuar KETU

The post Numërohen mbi 17% e kutive të votimit, ja sa mandate marrin secila parti nëse do ishte rezultati final appeared first on GIJOTINA.