Drejtuesi politik i PD në Qarkun e Fierit, Gazment Bardhi ka reaguar pas hetimeve të SPAK për ndërtimin e Tunelit të Llogarasë.
Përmes një postimi në rrjetet sociale, Bardhi thotë se që në gusht të vitit të kaluar janë depozituar në SPAK, edhe në cilësinë e kallëzuesit, të gjitha provat që vërtetojnë abuzimin me të paktën 50 milion euro per ndërtimin e Tunelit të Llogarasë.
Ai shkruan se përgjegjës për këtë aferë është zv.kryeministrja Belinda Balluku, njëherësh dhe ministre e Infrastrukturës dhe Energjisë.
“Në burgun e grave në Pjoskë–Pogradec, ambientet janë gati“, shprehet ai.
Reagimi
Më 12 Gusht 2024 kam kallëzuar në SPAK aferën e “Tunelit të Llogarasë”, duke paraqitur të gjitha provat që vërtetojnë abuzimin me të paktën 50 milion euro. Këto para të grabitura ditën për diell kanë shkuar në xhepat e atyre që menduan se do jenë përjetësisht mbi ligjin dhe që me paratë e korrupsionit do të mbajnë përjetësisht pushtetin.
Por, koha po tregon se i kanë bërë llogaritë gabim, me shqiptarët dhe me drejtësinë. Tani është momenti që banda e korrupsionit të pashoq në historinë e Shqipërisë, me në krye Edi Ramën dhe Belinda Ballukun, të mbajë përgjegjësi. Fatmirësisht, koha po shkurtohet dita ditës. Në burgun e grave në Pjoskë – Pogradec, ambientet janë gati.
The post Hetimet për Tunelin e Llogarasë, Bardhi: Balluku të mbajë përgjegjësi, ambientet janë gati në burgun e grave appeared first on GIJOTINA.