Dy persona raportohet se kanë vdekur në Mannheim të Gjermanisë, pasi një makinë përplasi një turmë në rrugën Planken, në lagjen tregtare të qytetit.

Lajmi është bërë i ditur nga mediat gjermane sipas të cilave, 25 persona janë lënduar, ndërsa shoferi i automjeti është ndaluar nga policia.

Po sipas mediave gjermane, ende nuk dihet nëse bëhet fjalë për një aksident apo veprim të qëllimshëm.

Sipas dëshmitarëve okularë të cituar nga Mannheim24, makina u përplas me turmën me shpejtësi të madhe pranë Kullës së Ujit, një pikë referimi në qytet.

Mannheim ndodhet në shtetin gjerman të Baden-Wuerttemberg. Policia thotë se një operacion është duke u zhvilluar në qendër të qytetit. “Qytetarët këshillohen të shmangin qendrën e qytetit”, shkruan policia në rrjetin social X.

Spitali Universitar Mannheim po përgatitet për një situatë emergjente. Sipas shtypit gjerman, kjo është një masë standarde në këto raste.

The post Gjermani/ Makina përplaset me turmën, 2 të vdekur dhe 25 të plagosur appeared first on GIJOTINA.