Kujtim Hoxha ekspert pensionesh, i ftuar në “Koha për tu zgjuar” në News24 ka sqaruar pensionet familjare dhe kushte që duhet të plotësohen në mënyrë që anëtarë e familjes ta përfitojnë.

Eksperti ka theksuar se të drejtën për të përfituar nga ky pension e ka bashkëshortja apo bashkëshorti i personit që ka ndërruar jetë dhe fëmijët deri në moshën 25 vjeç nëse janë në vijim të shkollës.

“Pensione familjare trajtohen me ligjin e ri të ndryshuar. Përfitohen kur në një çift humb jetën një nga partnerët përfitojnë gruaja e ve ose burri i ve, por të plotësojnë kushtet kur gruaja është 55-vjeç merr gjysmën e pensionit të burrit deri në moment që del vetë në pension.
Më pas bëhet krahasimi i pensionit të saj dhe bashkëshortit të ndjerë dhe zgjedh të mbajë atë që është më me leverdi.
Pension fitojnë edhe fëmijët e të ndjerit ose të ndjerës, 25 përqind deri në 25-vjeç kur janë në marrëdhënie shkolle, ndryshe e përfitojnë deri në 18-vjeç”, ka sqaruar ai.

Eksperti Hoxha ka sqaruar edhe formulën me anë të të cilës përfitohet pensioni i invaliditetit, për të cilën tha se trajtohet nga disa ligje të ndryshme për shkak të specifikave të secilit.

The post Ja kush përfiton nga pensionet familjare! Kushtet që duhet të plotësohen, eksperti jep detajet appeared first on www.lexo.al.