Bayern Munchen barazoi 1-1 me Bayer Leverkusen, në supersfidën e Bundesligës, të mbajtur në “Allianz Arena”. Në pjesën e parë dominuan bavarezët me mbajtjen e topit, por pa mundur dot të tregohen konkret para portës së kampionëve të Gjermanisë.
“Aspirinat” kaluan në avantazh në minutën 30-të, mesfushori shqiptar Granit Xhaka shërbeu në mënyrë perfekte për Andrich, i cili me një të djathtë nga distanca dërgoi topin në rrjetë.
Të besuarit e Kompany u kundërpërgjigjën me Pavloviç, me një perlë të vërtetë në minutën e 39-të. Në fraksionin e dytë, skuadrat u treguan të kujdesshme, teksa mbizotëroi frika e pësimit të golit.
Në të 87-tën, Muller rrëzohet në zonë, Bayern pretendon penallti, por nuk mendoi kështu arbitri, që vijoi lojën normalisht.
Në fund, pa fitues, me Bayern që me 13 pikë ruan kreun e klasifikimit. ndërsa djemtë e Alonsos janë në vendin e 3-të me 10 pikë.
Gjatë ditës janë luajtur edhe ndeshje të tjera të Bundesligës, ku spikat triumfi i pastër 4-0 i Leipzig ndaj Augsburgut. Sfida mes Volfsburgut dhe Shtutgartit u mbyll me barazimin 2-2.
Mainz u mposht në shtëpi nga Heidenheim me shifrat 0-2 dhe të dyja skuadrat e mbyllën me nga 10 lojtarë.
St. Pauli fitoi në transfertën me Frajburgun ndërsa Mynshegladbah fitoi në fund me shifrat 1-0 kundër Union Berlinit.
gijotina.com/
The post (VIDEO) Supersfida e Bundesligës, Bayern dhe Leverkusen ndahen me barazim appeared first on GIJOTINA.