{"id":96185,"date":"2026-08-06T10:48:16","date_gmt":"2026-08-06T10:48:16","guid":{"rendered":"https:\/\/zennihost.com\/test\/2026\/08\/06\/rregullorja-e-gjkko-se-si-paradhoma-e-nje-diktature\/"},"modified":"2026-08-06T10:48:16","modified_gmt":"2026-08-06T10:48:16","slug":"rregullorja-e-gjkko-se-si-paradhoma-e-nje-diktature","status":"publish","type":"post","link":"https:\/\/zennihost.com\/test\/2026\/08\/06\/rregullorja-e-gjkko-se-si-paradhoma-e-nje-diktature\/","title":{"rendered":"Rregullorja e GJKKO-s\u00eb si paradhoma e nj\u00eb diktature"},"content":{"rendered":"<p><em><strong>Nga Carlo Bollino<\/strong><\/em><\/p>\n<p>Neni 22 i Kushtetut\u00ebs parashikon qartazi: \u201cLiria e shprehjes \u00ebsht\u00eb e garantuar. Liria e shtypit, e radios dhe e televizionit \u00ebsht\u00eb e garantuar. Censura paraprake e mjeteve t\u00eb komunikimit ndalohet.\u201d Mjaftojn\u00eb k\u00ebto 24 fjal\u00eb p\u00ebr t\u00eb rr\u00ebzuar si antikushtetuese 125 faqet e Rregullores s\u00eb re dhe 552 faqet e Komentarit (\u201cme t\u00eb drejtat e autorit t\u00eb rezervuara\u201d), q\u00eb kryetari i komanduar i GJKKO-s\u00eb, Erion Bani, ka publikuar n\u00eb faqen e internetit t\u00eb gjykat\u00ebs p\u00ebr t\u00eb vendosur masa censure t\u00eb papranueshme n\u00eb nj\u00eb vend demokratik, ndaj medias, ndaj avokat\u00ebve, dhe deri diku edhe ndaj prokuror\u00ebve.<\/p>\n<p>Kam 45 vjet q\u00eb ushtroj profesionin e gazetarit, brenda dhe jasht\u00eb Shqip\u00ebris\u00eb, dhe nuk m\u00eb ka ndodhur kurr\u00eb t\u00eb d\u00ebgjoj nga kryetari i nj\u00eb gjykate t\u00eb shpall\u00eb parimin se gazetar\u00ebve nuk u njihet asnj\u00eb kompetenc\u00eb p\u00ebr t\u00eb p\u00ebrmbushur detyr\u00ebn e tyre institucionale p\u00ebr t\u00eb informuar, si\u00e7 lexohet n\u00eb k\u00ebto dokumente. P\u00ebrkundrazi, gazetar\u00ebve, n\u00eb \u00e7do demokraci, u garantohet nj\u00eb akses i privilegjuar n\u00eb burime, dokumente dhe vende q\u00eb shpesh, p\u00ebr arsye sigurie, diskrecioni ose fsheht\u00ebsie, jan\u00eb t\u00eb ndaluara p\u00ebr pjes\u00ebn tjet\u00ebr t\u00eb publikut. Dhe kjo jo sepse gazetari duhet t\u00eb g\u00ebzoj\u00eb p\u00ebrpar\u00ebsi t\u00eb padrejta, por sepse \u00ebsht\u00eb vet\u00eb profesioni i tij q\u00eb e detyron dhe i jep mund\u00ebsin\u00eb t\u00eb shkoj\u00eb atje ku qytetar\u00ebve t\u00eb tjer\u00eb mund t\u2019u ndalohet hyrja: sepse gazetari shkon atje n\u00eb em\u00ebr t\u00eb t\u00eb gjith\u00ebve, p\u00ebr t\u00eb informuar t\u00eb gjith\u00eb. Edhe ata q\u00eb \u201cmbeten jasht\u00eb\u201d.<\/p>\n<p>Por, n\u00eb diktatin e tij me frym\u00eb sovjetike, Bani injoron rolin kushtetues t\u00eb gazetar\u00ebve, madje edhe at\u00eb t\u00eb avokat\u00ebve, pasi nd\u00ebr kufizimet absurde q\u00eb synon t\u00eb vendos\u00eb, \u00ebsht\u00eb edhe ndalimi p\u00ebr ta (dometh\u00ebn\u00eb p\u00ebr mbrojt\u00ebsit e t\u00eb pandehurve) q\u00eb t\u00eb hyjn\u00eb n\u00eb sall\u00ebn e gjyqit duke mbajtur me vete telefonin celular. Aspekti qesharak i Rregullores \u00ebsht\u00eb se Bani, duke e konsideruar veten qartazi si mbajt\u00ebsin e vet\u00ebm t\u00eb konceptit t\u00eb Drejt\u00ebsis\u00eb, synon t\u2019ua ndaloj\u00eb edhe prokuror\u00ebve t\u00eb SPAK-ut mbajtjen e telefonave celular\u00eb n\u00eb sall\u00ebn e gjyqit. Nd\u00ebrsa me Nenin 77 i Rregullores ofrohet si favor mbajtja e nj\u00eb laptopi. Sipas k\u00ebtij neni, \u201cProkuror\u00ebt, t\u00eb pandehurit, viktimat dhe avokat\u00ebt q\u00eb marrin pjes\u00eb n\u00eb nj\u00eb seanc\u00eb gjyq\u00ebsore mund t\u00eb mbajn\u00eb me vete dhe t\u00eb p\u00ebrdorin vet\u00ebm kompjuter\u00eb portativ\u00eb (laptop\u00eb) p\u00ebr ushtrimin e funksioneve t\u00eb tyre procedurale, p\u00ebr aq koh\u00eb sa p\u00ebrdorimi i tyre nuk cenon rendin, solemnitetin ose zhvillimin e rregullt t\u00eb seanc\u00ebs gjyq\u00ebsore.\u201d Gazetar\u00ebt nuk merren fare n\u00eb konsiderat\u00eb. Po si mundet nj\u00eb gazetar t\u00eb ndjek\u00eb debatin e nj\u00eb procesi gjyq\u00ebsor dhe t\u00eb raportoj\u00eb n\u00eb koh\u00eb reale n\u00eb redaksi, pa mundur t\u00eb p\u00ebrdor\u00eb nj\u00eb telefon celular p\u00ebr t\u00eb komunikuar ose nj\u00eb laptop p\u00ebr t\u00eb mbajtur sh\u00ebnime<\/p>\n<p>Por Bani e shpjegon k\u00ebt\u00eb n\u00eb Komentarin e tij: mediat nuk jan\u00eb pal\u00eb n\u00eb procesin gjyq\u00ebsor dhe, p\u00ebr k\u00ebt\u00eb arsye, atyre nuk u rezervohet asnj\u00eb privilegj dhe asnj\u00eb akses preferencial. Madje, ato penalizohen. \u201cN\u00eb rastet kur salla e gjykimit nuk ka vende t\u00eb mjaftueshme p\u00ebr sistemimin e t\u00eb gjith\u00eb t\u00eb interesuarve p\u00ebr t\u00eb ndjekur seanc\u00ebn, vendos p\u00ebr lejimin e pjes\u00ebmarr\u00ebsve n\u00eb sall\u00eb, sipas k\u00ebsaj radhe p\u00ebrpar\u00ebsie: i) subjektet n\u00eb gjykim; ii) familjar\u00ebt dhe iii) p\u00ebrfaq\u00ebsuesit e medias\u201d (neni 65). Pra, gazetar\u00ebt edhe nj\u00eb her\u00eb n\u00eb vendin e fundit. Sipas Banit, kur nuk ka vend p\u00ebr t\u00eb gjith\u00eb, disa gazetar\u00eb mbeten jasht\u00eb sall\u00ebs p\u00ebr t\u2019u l\u00ebn\u00eb vend subjekteve t\u00eb tjera t\u00eb procesit. Po kush e informon pastaj opinionin publik?<\/p>\n<p>Ashtu si\u00e7 ndalohen telefonat celular\u00eb, neni 76 i Rregullores ndalon natyrisht edhe pranin\u00eb n\u00eb sall\u00ebn e gjyqit t\u00eb aparateve fotografike, kamerave televizive, regjistruesve dhe \u00e7do pajisjeje tjet\u00ebr elektronike. Bani d\u00ebshiron ta kthej\u00eb profesionin e gazetarit mbrapa n\u00eb koh\u00ebn e stilolapsit, megjith\u00ebse neni 22 i Kushtetut\u00ebs (shum\u00eb m\u00eb modern se kryetari i gjykat\u00ebs) parashikon se, p\u00ebrve\u00e7 shtypit, ekzistojn\u00eb edhe radioja dhe televizioni, pra media elektronike, liria e t\u00eb cilave duhet t\u00eb garantohet po nj\u00ebsoj. Por si mund t\u00eb b\u00ebj\u00eb informim nj\u00eb gazetar i radios ose i televizionit n\u00ebse nuk mund t\u00eb regjistroj\u00eb z\u00ebra ose t\u00eb xhiroj\u00eb video?<\/p>\n<p>Kjo censur\u00eb paraprake, e vendosur n\u00eb at\u00eb q\u00eb duhet t\u00eb ishte tempulli i Drejt\u00ebsis\u00eb s\u00eb Re, justifikohet nga Bani \u201cp\u00ebr garantimin e siguris\u00eb, rendit dhe solemnitetit t\u00eb seanc\u00ebs gjyq\u00ebsore\u201d. I fiksuar pas k\u00ebtyre tre elementeve, t\u00eb cilat i p\u00ebrs\u00ebrit qindra her\u00eb n\u00eb 677 faqet e analiz\u00ebs s\u00eb tij \u201cme t\u00eb drejtat e autorit t\u00eb rezervuara\u201d, Bani harron Kushtetut\u00ebn, lirin\u00eb e informimit, rolin e shtypit dhe, mbi t\u00eb gjitha, detyrimin q\u00eb edhe vet\u00eb Bani ka p\u00ebr t\u00eb dh\u00ebn\u00eb llogari para popullit dhe ligjit p\u00ebr m\u00ebnyr\u00ebn se si administron Drejt\u00ebsin\u00eb. E cila nuk \u00ebsht\u00eb nj\u00eb pron\u00eb e tij personale, por nj\u00eb e mir\u00eb kolektive q\u00eb atij i \u00ebsht\u00eb deleguar p\u00ebr ta administruar n\u00eb m\u00ebnyr\u00eb t\u00eb p\u00ebrkohshme dhe t\u00eb kusht\u00ebzuar, jo sikur t\u00eb ishte pushteti absolut i nj\u00eb sovrani.<\/p>\n<p>N\u00eb em\u00ebr t\u00eb vlerave, sigurisht themelore, si siguria, rendi dhe solemniteti i seanc\u00ebs gjyq\u00ebsore, Erjon Bani fshin nj\u00eb parim tjet\u00ebr jo m\u00eb pak t\u00eb r\u00ebnd\u00ebsish\u00ebm t\u00eb nj\u00eb procesi gjyq\u00ebsor: transparenc\u00ebn! T\u00eb censurosh mediat, duke i penguar ato t\u00eb marrin pjes\u00eb dhe t\u00eb regjistrojn\u00eb fazat e nj\u00eb procesi q\u00eb mund t\u00eb \u00e7oj\u00eb n\u00eb privimin e nj\u00eb personi nga e mira e \u00e7muar e liris\u00eb, \u00ebsht\u00eb nj\u00eb akt i pap\u00ebrshkruesh\u00ebm arrogance, dhe qart\u00ebsisht antidemokratik. Duke ndjekur t\u00eb nj\u00ebjtat parime q\u00eb Erjon Bani zbaton n\u00eb Rregulloren e tij, \u00e7do institucion shtet\u00ebror, duke filluar nga qeveria, mund t\u00eb ndihet i lir\u00eb t\u2019i mohoj\u00eb shtypit aksesin dhe informacionin, duke i kategorizuar gazetar\u00ebt n\u00eb rolin e armiqve potencialisht t\u00eb rreziksh\u00ebm.<\/p>\n<p>Kjo nuk \u00ebsht\u00eb m\u00eb nj\u00eb drejt\u00ebsi moderne dhe as nj\u00eb demokraci evropiane, por \u00ebsht\u00eb paradhoma e nj\u00eb diktature t\u00eb re.\/<em><strong>Shqiptarja.com<\/strong><\/em><\/p>","protected":false},"excerpt":{"rendered":"<p>Nga Carlo Bollino Neni 22 i Kushtetut\u00ebs parashikon qartazi: \u201cLiria e shprehjes \u00ebsht\u00eb e garantuar. Liria e shtypit, e radios dhe e televizionit \u00ebsht\u00eb e garantuar. Censura paraprake e mjeteve t\u00eb komunikimit ndalohet.\u201d Mjaftojn\u00eb k\u00ebto 24 fjal\u00eb p\u00ebr t\u00eb rr\u00ebzuar si antikushtetuese 125 faqet e Rregullores s\u00eb re dhe 552 faqet e Komentarit (\u201cme t\u00eb [&hellip;]<\/p>\n","protected":false},"author":0,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-96185","post","type-post","status-publish","format-standard","hentry","category-uncategorized"],"_links":{"self":[{"href":"https:\/\/zennihost.com\/test\/wp-json\/wp\/v2\/posts\/96185","targetHints":{"allow":["GET"]}}],"collection":[{"href":"https:\/\/zennihost.com\/test\/wp-json\/wp\/v2\/posts"}],"about":[{"href":"https:\/\/zennihost.com\/test\/wp-json\/wp\/v2\/types\/post"}],"replies":[{"embeddable":true,"href":"https:\/\/zennihost.com\/test\/wp-json\/wp\/v2\/comments?post=96185"}],"version-history":[{"count":0,"href":"https:\/\/zennihost.com\/test\/wp-json\/wp\/v2\/posts\/96185\/revisions"}],"wp:attachment":[{"href":"https:\/\/zennihost.com\/test\/wp-json\/wp\/v2\/media?parent=96185"}],"wp:term":[{"taxonomy":"category","embeddable":true,"href":"https:\/\/zennihost.com\/test\/wp-json\/wp\/v2\/categories?post=96185"},{"taxonomy":"post_tag","embeddable":true,"href":"https:\/\/zennihost.com\/test\/wp-json\/wp\/v2\/tags?post=96185"}],"curies":[{"name":"wp","href":"https:\/\/api.w.org\/{rel}","templated":true}]}}