{"id":78558,"date":"2026-03-28T11:48:24","date_gmt":"2026-03-28T11:48:24","guid":{"rendered":"https:\/\/zennihost.com\/test\/2026\/03\/28\/prestigjozia-britanike-time-out-keto-jane-12-vendet-me-te-mira-per-tu-vizituar-ne-shqiperi-ne-vitin-2026\/"},"modified":"2026-03-28T11:48:24","modified_gmt":"2026-03-28T11:48:24","slug":"prestigjozia-britanike-time-out-keto-jane-12-vendet-me-te-mira-per-tu-vizituar-ne-shqiperi-ne-vitin-2026","status":"publish","type":"post","link":"https:\/\/zennihost.com\/test\/2026\/03\/28\/prestigjozia-britanike-time-out-keto-jane-12-vendet-me-te-mira-per-tu-vizituar-ne-shqiperi-ne-vitin-2026\/","title":{"rendered":"Prestigjozia britanike \u2018Time Out\u2019: K\u00ebto jan\u00eb 12 vendet m\u00eb t\u00eb mira p\u00ebr t\u2019u vizituar n\u00eb Shqip\u00ebri n\u00eb vitin 2026"},"content":{"rendered":"

Shqip\u00ebria po merr v\u00ebmendjen e plot\u00eb t\u00eb mediave nd\u00ebrkomb\u00ebtare t\u00eb turizmit p\u00ebr vitin 2026. Media britanike Time Out e p\u00ebrshkruan vendin ton\u00eb si nj\u00eb destinacion \u201ct\u00eb ve\u00e7ant\u00eb\u201d q\u00eb \u201cec\u00ebn me ritmin e vet\u201d, duke theksuar se ofron gjith\u00e7ka: nga plazhet e bukura te historia, qytetet e vjetra dhe natyra e eg\u00ebr.<\/p>\n

Sipas artikullit, Shqip\u00ebria \u00ebsht\u00eb nj\u00eb p\u00ebrzierje q\u00eb funksionon: qytete dinamike, parqe malore, ushqim i mir\u00eb dhe nj\u00eb atmosfer\u00eb q\u00eb nuk e gjen leht\u00eb diku tjet\u00ebr.<\/p>\n

N\u00eb k\u00ebt\u00eb guid\u00eb, Time Out rendit 12 destinacionet dhe atraksionet q\u00eb, sipas saj, jan\u00eb m\u00eb t\u00eb mirat q\u00eb ofron Shqip\u00ebria.<\/p>\n

1. Tirana<\/strong><\/p>\n\n

Kryeqyteti i Shqip\u00ebris\u00eb, dhe i vetmi vend q\u00eb t\u00eb jep v\u00ebrtet ndjesin\u00eb e nj\u00eb qyteti t\u00eb mir\u00ebfillt\u00eb, Tirana nuk \u00ebsht\u00eb e mbingarkuar nga e shkuara e saj represive. P\u00ebrkundrazi, n\u00eb vend q\u00eb ta fsheh\u00eb, ajo e ka kthyer at\u00eb n\u00eb pjes\u00eb t\u00eb identitetit: ish-qendrat e hetuesis\u00eb dhe burgjet e komunizmit sot jan\u00eb transformuar n\u00eb muze, galeri arti dhe memoriale intriguese. Rreth tyre, qyteti ka nd\u00ebrtuar nj\u00eb tjet\u00ebr realitet \u2013 me bare \u201chipster\u201d, restorante dhe nj\u00eb atmosfer\u00eb q\u00eb ndryshon vazhdimisht. N\u00eb fundjav\u00eb, nj\u00eb nga eksperiencat m\u00eb tipike \u00ebsht\u00eb t\u00eb marr\u00ebsh teleferikun drejt Dajtit dhe t\u00eb bashkohesh me vendasit p\u00ebr nj\u00eb drek\u00eb tradicionale me mish qengji n\u00eb hell, nd\u00ebrsa shijon pamjen nga lart mbi gjith\u00eb qytetin.<\/p>\n

2. Qafa e Llogaras\u00eb<\/strong><\/p>\n

<\/strong><\/p>\n

Duke lidhur Lugin\u00ebn e bukur t\u00eb Dukatit me Himar\u00ebn, Qafa e Llogaras\u00eb \u00ebsht\u00eb nj\u00eb nga ato vende q\u00eb t\u00eb l\u00ebn\u00eb pa fjal\u00eb \u2013 jo vet\u00ebm n\u00eb\u00a0Shqip\u00ebri<\/a>, por n\u00eb gjith\u00eb Europ\u00ebn Juglindore. Rrug\u00eb m\u00eb dramatike se kjo v\u00ebshtir\u00eb t\u00eb gjesh: teksa ngjitesh, kalon mes pyjeve me pisha dhe buz\u00eb shk\u00ebmbinjve t\u00eb thepisur, derisa papritur t\u00eb hapet para syve deti Jon, me nj\u00eb pamje q\u00eb t\u00eb ngelet n\u00eb mendje. Pikat panoramike jan\u00eb nga m\u00eb spektakolaret q\u00eb mund t\u00eb p\u00ebrjetosh, nd\u00ebrsa zona \u00ebsht\u00eb e mbushur me mite dhe legjenda q\u00eb vet\u00ebm sa i shtojn\u00eb edhe m\u00eb shum\u00eb magji peizazhit. P\u00ebr ata q\u00eb k\u00ebrkojn\u00eb pak adrenalin\u00eb, k\u00ebtu gjen edhe disa nga spotet m\u00eb t\u00eb mira p\u00ebr paragliding n\u00eb rajon \u2013 n\u00ebse e ke zemr\u00ebn t\u00eb fort\u00eb.<\/p>\n

3. Berati<\/strong><\/p>\n

<\/strong><\/p>\n

Berati \u00ebsht\u00eb nj\u00eb qytet fantastik. Posht\u00eb, buz\u00eb lumit, sht\u00ebpit\u00eb jan\u00eb t\u00eb ngjeshura fort nj\u00ebra mbi tjetr\u00ebn n\u00eb shpatin e nj\u00eb kodre t\u00eb mbuluar me gjelb\u00ebrim, nd\u00ebrsa dritaret e tyre reflektojn\u00eb drit\u00ebn mbi uj\u00eb. N\u00ebse merr ngjitjen e pjerr\u00ebt drejt maj\u00ebs s\u00eb kodr\u00ebs, mb\u00ebrrin n\u00eb pjes\u00ebn tjet\u00ebr t\u00eb qytetit \u2013 shum\u00eb m\u00eb t\u00eb vjet\u00ebr. Nj\u00eb port\u00eb mesjetare e restauruar t\u00eb \u00e7on brenda Kalas\u00eb s\u00eb Beratit, ku mes mureve t\u00eb rr\u00ebnuara mbijn\u00eb lule t\u00eb egra dhe ku disa kisha e xhami shekullore jan\u00eb kthyer n\u00eb muze.<\/p>\n

4.\u00a0Plazhi i Gjipes\u00eb<\/a><\/strong><\/p>\n

<\/strong><\/p>\n

Shtegu p\u00ebr n\u00eb plazhin e Gjipes\u00eb, q\u00eb zgjat rreth 40 minuta n\u00eb k\u00ebmb\u00eb buz\u00eb shk\u00ebmbinjve, nis pran\u00eb mureve t\u00eb trasha prej guri t\u00eb Manastirit t\u00eb Sh\u00ebn Theodhorit. Fillimi \u201cfetar\u201d i shkon p\u00ebr shtat eksperienc\u00ebs, sepse sapo t\u00eb shfaqet para syve ky plazh i vog\u00ebl me guralec\u00eb t\u00eb bardh\u00eb, i vendosur posht\u00eb shk\u00ebmbinjve n\u00eb hyrje t\u00eb nj\u00eb gryke t\u00eb mbuluar me gjelb\u00ebrim, ndjesia \u00ebsht\u00eb sikur ke hyr\u00eb n\u00eb nj\u00eb parajs\u00eb mesdhetare. Atmosfera n\u00eb Gjipe mbetet e qet\u00eb dhe zhvillimi \u00ebsht\u00eb minimal. Ka vet\u00ebm nj\u00eb bar plazhi q\u00eb funksionon n\u00eb sezon dhe, pak m\u00eb lart n\u00eb gryk\u00eb, nj\u00eb zon\u00eb e thjesht\u00eb p\u00ebr kamping. N\u00ebse shkon n\u00eb qershor ose n\u00eb shtator, ka shum\u00eb gjasa ta kesh gjith\u00eb k\u00ebt\u00eb vend vet\u00ebm p\u00ebr vete.<\/p>\n

5. Gjirokastra<\/strong><\/h3>\n

<\/strong><\/p>\n

Historia e qytetit t\u00eb vog\u00ebl kodrinor t\u00eb Gjirokastr\u00ebs, n\u00eb jug t\u00eb Shqip\u00ebris\u00eb, shtrihet t\u00eb pakt\u00ebn 2,500 vite pas, dhe nj\u00eb pjes\u00eb e k\u00ebsaj trash\u00ebgimie ruhet me kujdes n\u00eb muzeun e qytetit. Sot, shumica e vizitor\u00ebve vijn\u00eb p\u00ebr t\u00eb par\u00eb rreth 600 sht\u00ebpit\u00eb madh\u00ebshtore t\u00eb periudh\u00ebs osmane q\u00eb jan\u00eb t\u00eb shp\u00ebrndara n\u00eb qytet dhe n\u00eb shpatet p\u00ebrreth, disa prej t\u00eb cilave jan\u00eb t\u00eb hapura p\u00ebr publikun. Qendra e qytetit, e bukur por edhe mjaft turistike (Gjirokastra \u00ebsht\u00eb nj\u00eb ndales\u00eb e preferuar p\u00ebr turet ditore nga Korfuzi), karakterizohet nga rrugicat me kalldr\u00ebm, kafene artistike dhe dyqane suveniresh \u2013 disa m\u00eb pak artistike se t\u00eb tjerat.<\/p>\n

6. Shkodra<\/strong><\/p>\n

<\/strong><\/p>\n

Shkodra, nj\u00eb qytet i madh q\u00eb shtrihet buz\u00eb liqenit jo shum\u00eb larg detit, shpesh nuk p\u00ebrfshihet n\u00eb itineraret turistike n\u00eb Shqip\u00ebri. Por n\u00eb fakt, \u00ebsht\u00eb nj\u00eb surpriz\u00eb m\u00eb vete. Me nd\u00ebrtesa t\u00eb lyera me ngjyra pastel dhe sheshe elegante, qyteti ka nj\u00eb atmosfer\u00eb t\u00eb qart\u00eb italiane. Shto k\u00ebtu historin\u00eb dhe kultur\u00ebn e pasur, dhe ke nj\u00eb destinacion perfekt p\u00ebr nj\u00eb city break. Shkodra ka disa nga muzet\u00eb m\u00eb t\u00eb mir\u00eb n\u00eb vend, si Muzeu Komb\u00ebtar i Fotografis\u00eb \u201cMarubi\u201d, q\u00eb tregon historin\u00eb e fotografis\u00eb shqiptare, apo Muzeu \u201cVendi i D\u00ebshmis\u00eb dhe Kujtes\u00ebs\u201d, q\u00eb pasqyron periudh\u00ebn komuniste. P\u00ebrve\u00e7 k\u00ebsaj, qyteti ofron nj\u00eb kala t\u00eb madhe, restorante shum\u00eb t\u00eb mira \u2013 ku ndikimi italian ndihet edhe n\u00eb kuzhin\u00eb \u2013 dhe plazhe t\u00eb gjata me r\u00ebr\u00eb vet\u00ebm pak minuta larg me makin\u00eb. Nj\u00eb tjet\u00ebr ve\u00e7ori q\u00eb e dallon \u00ebsht\u00eb numri i madh i bi\u00e7ikletave, duke e b\u00ebr\u00eb Shkodr\u00ebn nj\u00eb nga vendet m\u00eb t\u00eb mira p\u00ebr t\u2019u eksploruar mbi dy rrota.<\/p>\n

7.\u00a0Butrinti<\/a><\/strong><\/p>\n

<\/strong><\/p>\n

Ndoshta \u00ebsht\u00eb siti historik m\u00eb mbres\u00ebl\u00ebn\u00ebs n\u00eb Shqip\u00ebri. Butrinti \u00ebsht\u00eb nj\u00eb qytet i lasht\u00eb grek i nd\u00ebrtuar me gur\u00eb n\u00eb ngjyr\u00eb t\u00eb verdh\u00eb t\u00eb art\u00eb. Disa nga rr\u00ebnojat \u2013 sidomos teatri, forumi dhe banjat publike \u2013 jan\u00eb ruajtur n\u00eb m\u00ebnyr\u00eb t\u00eb jasht\u00ebzakonshme, por po aq k\u00ebnaq\u00ebsi t\u00eb jep edhe eksplorimi i pjes\u00ebve m\u00eb pak t\u00eb njohura t\u00eb sitit. P\u00ebr ta b\u00ebr\u00eb edhe m\u00eb t\u00eb ve\u00e7ant\u00eb, i gjith\u00eb kompleksi ndodhet n\u00eb nj\u00eb ambient shum\u00eb t\u00eb bukur, mes pyjeve me hije dhe buz\u00eb nj\u00eb lagune t\u00eb qet\u00eb bregdetare.<\/p>\n

8. Ksamil<\/strong><\/p>\n

<\/strong><\/p>\n

Edhe pse nuk \u00ebsht\u00eb m\u00eb ndonj\u00eb sekret i fshehur, Ksamili mbetet di\u00e7ka v\u00ebrtet e ve\u00e7ant\u00eb. I shtrir\u00eb mes gadishujve t\u00eb gjelb\u00ebruar, me gjire t\u00eb vegj\u00ebl, plazhe q\u00eb shk\u00eblqejn\u00eb dhe ishuj t\u00eb vegj\u00ebl p\u00ebrball\u00eb, zona ka nj\u00eb pamje q\u00eb t\u00eb mbetet n\u00eb mendje. Turizmi masiv, sidomos nga vendet fqinje pa dalje n\u00eb det, e ka ndryshuar shum\u00eb bregdetin shqiptar vitet e fundit. Megjithat\u00eb, Ksamili ka ditur t\u00eb ruaj\u00eb at\u00eb atmosfer\u00ebn e qet\u00eb dhe pa stres q\u00eb i t\u00ebrhoqi njer\u00ebzit q\u00eb n\u00eb fillim drejt Rivier\u00ebs. Dhe pastaj, p\u00ebr ta mbyllur si\u00e7 duhet: frutat e detit jan\u00eb fantastike.<\/p>\n

9. Apolonia<\/strong><\/p>\n

<\/strong><\/p>\n

I fshehur larg gjith\u00e7kaje dhe ende pak i njohur p\u00ebr shumic\u00ebn e turist\u00ebve t\u00eb huaj, Apolonia \u00ebsht\u00eb nj\u00eb nga ato vende q\u00eb t\u00eb surprizon. Rr\u00ebnojat e qytetit antik ilir, mbi 2,500 vjet t\u00eb vjetra, shtrihen n\u00eb kodra t\u00eb mbushura me ullinj, mes muresh gjysm\u00eb t\u00eb zhytura n\u00eb tok\u00eb, mozaik\u00ebsh dhe kolonash q\u00eb t\u00eb kthejn\u00eb pas n\u00eb koh\u00eb. Teatri dhe qendra administrative ruajn\u00eb ende nj\u00eb madh\u00ebshti t\u00eb dukshme, nd\u00ebrsa muzeu, i mbushur me objekte me vler\u00eb, ia vlen patjet\u00ebr nj\u00eb ndales\u00eb. Por p\u00ebrtej historis\u00eb, ajo q\u00eb e b\u00ebn Apolonin\u00eb t\u00eb ve\u00e7ant\u00eb \u00ebsht\u00eb qet\u00ebsia. Larg zhurm\u00ebs dhe turmave, \u00ebsht\u00eb nj\u00eb vend ku shkon p\u00ebr historin\u00eb\u2026 dhe q\u00ebndron p\u00ebr qet\u00ebsin\u00eb.<\/p>\n

10. Durr\u00ebsi<\/strong><\/p>\n

<\/strong><\/p>\n

Shpesh i l\u00ebn\u00eb n\u00eb hije nga destinacionet m\u00eb \u201cglamour\u201d t\u00eb jugut, Durr\u00ebsi mund t\u00eb jet\u00eb nj\u00eb nga vendet m\u00eb t\u00eb n\u00ebnvler\u00ebsuara n\u00eb Shqip\u00ebri. Si qyteti i dyt\u00eb m\u00eb i madh dhe porti kryesor i vendit, ai bashkon nj\u00eb histori t\u00eb gjat\u00eb me nj\u00eb energji moderne q\u00eb ndihet kudo. K\u00ebt\u00eb e p\u00ebrjeton m\u00eb s\u00eb miri n\u00eb kafenet\u00eb plot gjall\u00ebri ose duke u relaksuar n\u00eb plazhin e qytetit. Sh\u00ebtitorja \u00ebsht\u00eb perfekte p\u00ebr t\u00eb par\u00eb l\u00ebvizjen dhe jet\u00ebn e p\u00ebrditshme, nd\u00ebrsa p\u00ebr ata q\u00eb duan t\u00eb eksplorojn\u00eb, ka plot nd\u00ebrtesa interesante t\u00eb shekullit t\u00eb 20-t\u00eb \u2013 ku vila mbret\u00ebrore e Mbretit Zog mbetet nj\u00eb nga pikat m\u00eb t\u00eb ve\u00e7anta.<\/p>\n

11. Alpet shqiptare<\/strong><\/p>\n

<\/strong><\/p>\n

Alpet shqiptare, t\u00eb njohura ndryshe edhe si Bjeshk\u00ebt e Nemuna, n\u00eb fakt jan\u00eb gjith\u00e7ka tjet\u00ebr ve\u00e7 \u201ct\u00eb nemura\u201d. Lugina t\u00eb gjera, livadhe dhe liqene me ngjyra t\u00eb gjalla jeshile mbushin k\u00ebt\u00eb zon\u00eb, nd\u00ebrsa fshatra t\u00eb bukur me sht\u00ebpi guri shp\u00ebrndahen mes maleve. Shpatet e mbuluara dendur me pyje marrin ngjyra t\u00eb forta t\u00eb kuqe dhe portokalli n\u00eb vjesht\u00eb, nd\u00ebrsa majat q\u00ebndrojn\u00eb p\u00ebr muaj t\u00eb t\u00ebr\u00eb t\u00eb mbuluara me bor\u00eb dhe akull. \u00cbsht\u00eb nj\u00eb destinacion perfekt p\u00ebr hiking, me shtigje t\u00eb shumta, nga ato nj\u00ebditore deri te aventurat disa ditore q\u00eb kalojn\u00eb p\u00ebrmes maleve. M\u00eb i njohuri \u00ebsht\u00eb itinerari \u201cPeaks of the Balkans\u201d, q\u00eb lidh Shqip\u00ebrin\u00eb me Kosov\u00ebn dhe Malin e Zi.<\/p>\n

12. Dh\u00ebrmiu<\/strong><\/p>\n\n

Mund t\u00eb jet\u00eb i njohur n\u00eb gjith\u00eb Europ\u00ebn (dhe m\u00eb gjer\u00eb) si vendi ku zhvillohet i famshmi\u00a0Kala Festival, por Dh\u00ebrmiu n\u00eb fakt \u00ebsht\u00eb nj\u00eb destinacion i shk\u00eblqyer plazhi p\u00ebr t\u2019u vizituar gjat\u00eb gjith\u00eb vitit. Dit\u00ebt mund t\u2019i kalosh duke b\u00ebr\u00eb plazh dhe duke eksploruar gjire t\u00eb fshehta (madje, n\u00ebse ke qejf, mund t\u00eb provosh edhe pak ngjitje n\u00eb shk\u00ebmb), nd\u00ebrsa mbr\u00ebmjet duke shijuar pije me \u00e7mime t\u00eb p\u00ebrballueshme n\u00eb baret buz\u00eb detit dhe duke ndar\u00eb pjata me fruta deti. Ka edhe nj\u00eb pjes\u00eb t\u00eb vjet\u00ebr t\u00eb qet\u00eb t\u00eb fshatit, e rrethuar nga gjelb\u00ebrimi, perfekte n\u00ebse do t\u00eb shk\u00ebputesh pak nga gjith\u00eb ai relaks.<\/p>","protected":false},"excerpt":{"rendered":"

Shqip\u00ebria po merr v\u00ebmendjen e plot\u00eb t\u00eb mediave nd\u00ebrkomb\u00ebtare t\u00eb turizmit p\u00ebr vitin 2026. Media britanike Time Out e p\u00ebrshkruan vendin ton\u00eb si nj\u00eb destinacion \u201ct\u00eb ve\u00e7ant\u00eb\u201d q\u00eb \u201cec\u00ebn me ritmin e vet\u201d, duke theksuar se ofron gjith\u00e7ka: nga plazhet e bukura te historia, qytetet e vjetra dhe natyra e eg\u00ebr. Sipas artikullit, Shqip\u00ebria \u00ebsht\u00eb […]<\/p>\n","protected":false},"author":0,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-78558","post","type-post","status-publish","format-standard","hentry","category-uncategorized"],"_links":{"self":[{"href":"https:\/\/zennihost.com\/test\/wp-json\/wp\/v2\/posts\/78558","targetHints":{"allow":["GET"]}}],"collection":[{"href":"https:\/\/zennihost.com\/test\/wp-json\/wp\/v2\/posts"}],"about":[{"href":"https:\/\/zennihost.com\/test\/wp-json\/wp\/v2\/types\/post"}],"replies":[{"embeddable":true,"href":"https:\/\/zennihost.com\/test\/wp-json\/wp\/v2\/comments?post=78558"}],"version-history":[{"count":0,"href":"https:\/\/zennihost.com\/test\/wp-json\/wp\/v2\/posts\/78558\/revisions"}],"wp:attachment":[{"href":"https:\/\/zennihost.com\/test\/wp-json\/wp\/v2\/media?parent=78558"}],"wp:term":[{"taxonomy":"category","embeddable":true,"href":"https:\/\/zennihost.com\/test\/wp-json\/wp\/v2\/categories?post=78558"},{"taxonomy":"post_tag","embeddable":true,"href":"https:\/\/zennihost.com\/test\/wp-json\/wp\/v2\/tags?post=78558"}],"curies":[{"name":"wp","href":"https:\/\/api.w.org\/{rel}","templated":true}]}}