{"id":63444,"date":"2026-01-11T18:48:24","date_gmt":"2026-01-11T18:48:24","guid":{"rendered":"https:\/\/zennihost.com\/test\/2026\/01\/11\/kitaristit-nuk-i-duhet-kitara\/"},"modified":"2026-01-11T18:48:24","modified_gmt":"2026-01-11T18:48:24","slug":"kitaristit-nuk-i-duhet-kitara","status":"publish","type":"post","link":"https:\/\/zennihost.com\/test\/2026\/01\/11\/kitaristit-nuk-i-duhet-kitara\/","title":{"rendered":"Kitaristit nuk i duhet kitara"},"content":{"rendered":"<p><em><strong>Nga Ervin Hatibi\/<\/strong><\/em><\/p>\n<p>Pak autor\u00eb n\u00eb let\u00ebrsin\u00eb shqipe arrijn\u00eb t\u00eb krijojn\u00eb nj\u00eb lidhje t\u00eb atill\u00eb me lexuesit, sa edhe nj\u00eb ribotim p\u00ebrjetohet si nj\u00eb ngjarje e re letrare. N\u00eb vitin q\u00eb lam\u00eb pas, n\u00eb Panairin e 28-t\u00eb t\u00eb Librit, sapo u p\u00ebrhap lajmi se sht\u00ebpia botuese \u201cOnufri\u201d kish ribotuar librat \u201cRepublick of Albanania\u201d dhe \u201cPasqyra e l\u00ebnd\u00ebs\u201d, lexuesi i thekur pas fenomenit Hatibi u drejtua menj\u00ebher\u00eb te stenda, gati me nj\u00eb lloj p\u00ebrkushtimi ritual. Nj\u00eb nga ato skena q\u00eb do t\u00eb \u00e7onte cilindo artist n\u00eb delirium: libra q\u00eb nuk jan\u00eb t\u00eb rinj, por q\u00eb priten si t\u00eb ishin t\u00eb sapodal\u00eb nga duart e nj\u00eb poeti, i cili ende di t\u00eb zgjoj\u00eb k\u00ebrsh\u00ebri, mall dhe respekt n\u00eb t\u00eb nj\u00ebjt\u00ebn koh\u00eb.<\/p>\n<p>Ervin Hatibi ka qen\u00eb p\u00ebrher\u00eb nj\u00eb z\u00eb i ve\u00e7ant\u00eb, piktor, poet dhe shkrimtar q\u00eb nuk ndjek trendet e koh\u00ebs, por ritmin e vet t\u00eb brendsh\u00ebm. Ndoshta p\u00ebr k\u00ebt\u00eb arsye, prania e tij e rrall\u00eb n\u00eb publik dhe bisedat e pakta n\u00eb intervista e b\u00ebjn\u00eb \u00e7do dukje t\u00eb tij t\u00eb marr\u00eb pesh\u00ebn e nj\u00eb rikthimi, edhe kur b\u00ebhet fjal\u00eb p\u00ebr ribotime. T\u00eb gjith\u00eb lexuesit, t\u00eb rinj a t\u00eb vjet\u00ebr, t\u00eb familjarizuar apo jo me fenomenin Hatibi, kan\u00eb p\u00ebrpara syve nj\u00eb mund\u00ebsi t\u00eb art\u00eb p\u00ebr t\u2019u kredhur n\u00eb universin e tij.<\/p>\n<p>Xhoina: Ndiej k\u00ebnaq\u00ebsi t\u00eb ve\u00e7ant\u00eb t\u00eb zhvilloj k\u00ebt\u00eb bised\u00eb me ju, Z. Hatibi, sepse z\u00ebri juaj ka qen\u00eb gjithmon\u00eb nj\u00eb prani e rrall\u00eb dhe e \u00e7muar n\u00eb letrat shqipe. P\u00ebr mua, njohja me fenomenin Hatibi nisi n\u00eb vitin e par\u00eb t\u00eb fakultetit, kur p\u00ebrhumbesha p\u00ebr or\u00eb t\u00eb t\u00ebra n\u00eb kafene-librarin\u00eb \u201cE P\u00ebr7shme\u201d. Atje lexova p\u00ebr her\u00eb t\u00eb par\u00eb tregimet e \u201cNj\u00eb gjarp\u00ebr i viteve \u201960\u201d; tregimi p\u00ebr qenin Gof t\u00eb filmit \u201cTomka dhe shok\u00ebt e tij\u201d m\u00eb mbeti gjat\u00eb n\u00eb mendje, dhe prej at\u00ebher\u00eb, edhe poezia juaj nisi t\u00eb b\u00ebhej pjes\u00eb e atij monumentit kulturor q\u00eb tjerrin student\u00ebt n\u00ebp\u00ebr letrat shqipe. K\u00ebt\u00eb vit, dy libra tuaj tejet t\u00eb r\u00ebnd\u00ebsish\u00ebm jan\u00eb ribotuar dhe kan\u00eb rikthyer v\u00ebmendjen te krijimtaria juaj, pa qen\u00eb nevoja p\u00ebr nj\u00eb botim t\u00eb ri q\u00eb t\u00eb grish\u00eb kureshtjen. \u00c7far\u00eb ndjesish ju sjell kjo l\u00ebvizje e menj\u00ebhershme e lexuesve drejt librave tuaj?<\/p>\n<p>Ervini: Gofi \u00ebsht\u00eb fjal\u00ebkalim. Kush p\u00ebrmend emrin e qenit t\u00eb zi gjerman t\u00eb filmit \u201cTomka dhe shok\u00ebt e tij\u201d nuk ka shum\u00eb dyshim se di dhe vdekjen e tij t\u00eb mundimshme, meq\u00eb vdekja \u00ebsht\u00eb roli i vet\u00ebm i atij qeni, ndoshta kulmi i filmit. Po u tha Gofi, ata q\u00eb i p\u00ebrmend emri i qenit duhet t\u00eb p\u00ebrgjigjen nj\u00ebkoh\u00ebsisht edhe p\u00ebr vrasjen e tij, kur kan\u00eb qen\u00eb f\u00ebmij\u00eb, dometh\u00ebn\u00eb. Dhe p\u00ebr k\u00eb ka pasur fatin t\u00eb mos e shoh\u00eb filmin, duhet rishpjeguar se tregon p\u00ebr nj\u00eb grup bashk\u00ebmoshatar\u00ebsh, q\u00eb i pjek lufta; p\u00ebr t\u2019i kaluar drejt pjekuris\u00eb, skenari ngarkon guerilas t\u00eb rritur, q\u00eb t\u2019i udh\u00ebzojn\u00eb t\u00eb helmojn\u00eb qenin roj\u00eb t\u00eb kampit ushtarak t\u00eb gjerman\u00ebve. Kur je i vog\u00ebl, skena ku jep shpirt qeni v\u00ebrtet vret, me angullima ankimi, me ecejakun hezitues \u2013 nj\u00eb k\u00ebmb\u00eb n\u00eb jet\u00eb, dy-tri p\u00ebrtej \u2013 dhe gjat\u00eb k\u00ebtyre momenteve shum\u00eb t\u00eb gjata n\u00eb jet\u00ebn e num\u00ebruar t\u00eb \u00e7dokujt nga ne, f\u00ebmij\u00ebt e filmuar me qenin p\u00ebrndizen komplet, f\u00ebrkojn\u00eb duart e helmuara nga ngaz\u00ebllimi, duke shoq\u00ebruar me padurim agonin\u00eb e Gofit, pa dyshim agonia m\u00eb e gjat\u00eb e kinemas\u00eb s\u00eb vdekur shqiptare. I pakapsh\u00ebm nga optika, ndoshta vet\u00ebm paksa nga muzika, helmimi vepronte kinematografikisht ngadal\u00eb brenda qenit n\u00eb ato minuta, e pik\u00ebrisht meq\u00eb nuk shihej, shnd\u00ebrrimi kimik m\u00eb s\u00eb shumti ndodhte n\u00eb err\u00ebsir\u00ebn e sall\u00ebs s\u00eb kinemas\u00eb, por jo brenda t\u00eb gjith\u00ebve ne.<\/p>\n<p>Lum si aktor\u00ebt e vegj\u00ebl q\u00eb v\u00ebrtet luanin, si edhe qeni, pse pat\u00ebn privilegjin t\u00eb sigurohen mir\u00eb se nuk u d\u00ebmtua gj\u00ebkafsh\u00eb gjat\u00eb xhirimit t\u00eb atij filmi!<\/p>\n<p>\u00c7ka pritej nga ajo sken\u00eb formative qe ndoshta me siguri rrethimi i plot\u00eb, gjer n\u00eb vdekje, i qenit t\u00eb zi brenda gjysm\u00ebharkut t\u00eb aktor\u00ebve t\u00eb vegj\u00ebl, plus gjysm\u00ebharkun ton\u00eb jasht\u00eb ekranit, q\u00eb t\u00eb plot\u00ebsohej figura ideale e nj\u00eb filmi p\u00ebr f\u00ebmij\u00eb, me pedagogjin\u00eb brendashkruar gjinis\u00eb, dhe boshtin e simetris\u00eb q\u00eb pritet t\u00eb plazmoj\u00eb spektatorin e vog\u00ebl sipas modelit, aprovuar me skenarin. Qeni i zi rojtar vinte me nj\u00eb akumulim radikal t\u00eb tjet\u00ebrsive: edhe si specie, edhe si ngjyr\u00eb, edhe si em\u00ebr e komb\u00ebsi, po dhe si trup\u00ebzim i pushtetit \u2013 pushtuesit n\u00eb at\u00eb rast, k\u00ebsisoj kurban i p\u00ebrkryer, i konstruktuar q\u00eb n\u00eb fillim p\u00ebr t\u2019u vrar\u00eb pa shum\u00eb m\u00ebdyshje e faj, mund\u00ebsisht nga f\u00ebmij\u00ebt.<\/p>\n<p>Tani, ndjeshm\u00ebria p\u00ebr mizorin\u00eb ndaj kafsh\u00ebve sigurisht q\u00eb nuk ka pse t\u00eb mos ndryshoj\u00eb sipas epokave, kulturave, interesave ekonomike por, duke i mbetur besnik martirizimit tim para asaj skene, p\u00ebr t\u00eb shpaguar traum\u00ebn prej f\u00ebmije, kam vendosur t\u00eb hakmerrem duke e shpallur arbitrarisht Gofin si prag po aq iniciatik, p\u00ebr t\u00eb ndar\u00eb shqiptar\u00ebt q\u00eb e pan\u00eb: k\u00ebndej k\u00eb ia vajtoi vdekjen si f\u00ebmij\u00eb, andej tutje t\u00eb tjer\u00ebt. Dometh\u00ebn\u00eb, kujtohu ku t\u00eb rekrutoi vrasja n\u00eb ekran: te bashk\u00ebvuajt\u00ebsit me qenin, a te bashk\u00ebfajtor\u00ebt me aktor\u00ebt. Pastaj kujto si rrodhi jeta. Pyetje si k\u00ebto na duhen q\u00eb, p\u00ebrmes gjenealogjis\u00eb kulturore, t\u00eb shfaj\u00ebsojm\u00eb disi k\u00eb nuk i shp\u00ebtoi dot programit t\u00eb radikalizimit n\u00eb mosh\u00eb t\u00eb vog\u00ebl, dhe, larg qoft\u00eb, nes\u00ebr shkon e p\u00ebrligj ndoshta deri edhe vrasjen e f\u00ebmij\u00ebve n\u00eb ekran, vet\u00ebm pse i p\u00ebrkasin nj\u00eb ngjyre tjet\u00ebr, q\u00eb ia zbardh pastaj me kontrast t\u00eb vet\u00ebn!<\/p>\n<p>K\u00ebshtu, libri ku kam shkruar p\u00ebr k\u00ebt\u00eb do t\u00eb qe titulluar m\u00eb mir\u00eb \u201cNj\u00eb qen i viteve shtat\u00ebdhjet\u00eb\u201d (dekada kur u xhirua filmi), edhe pse hija e Gofit p\u00ebrndjek n\u00eb m\u00ebnyr\u00ebn e vet gati kudo aty n\u00ebp\u00ebr \u201ct\u00eb tjera rr\u00ebfime zoologjike\u201d (vazhdimi i titullit t\u00eb librit). (Ama \u201cNj\u00eb qen i viteve shtat\u00ebdhjet\u00eb\u201d do t\u00eb identifikonte gabimisht, prej dekad\u00ebs s\u00eb nj\u00ebjt\u00eb t\u00eb vrasjes, Tartin e paharruesh\u00ebm, qenin e t\u00eb burgosurve t\u00eb Spa\u00e7it, ekzekutuar p\u00ebr terror nga komanda, pas Revolt\u00ebs n\u00eb burg). U p\u00ebrqendrova emblematikisht te gjarpri, duke b\u00ebr\u00eb p\u00ebrfaq\u00ebsues t\u00eb gjith\u00eb librit me rr\u00ebfime p\u00ebr kafsh\u00ebt, titullin e nj\u00eb rr\u00ebfimi p\u00ebr mir\u00ebsin\u00eb ndaj gjarprit, meq\u00eb ajo m\u00eb dukej mir\u00ebsia m\u00eb e pap\u00ebrballueshme, m\u00eb liminalja, prandaj dhe m\u00eb p\u00ebrmbledh\u00ebsja p\u00ebr gjith\u00eb \u00e7\u2019vijon pastaj kat m\u00eb kat n\u00eb anijen e Nuhut. Titulli me bisht i librit, i gjat\u00eb si sinekdok\u00eb meq\u00eb imiton dhe personazhin e p\u00ebrshkruar, doli pastaj \u201cNj\u00eb gjarp\u00ebr i viteve gjasht\u00ebdhjet\u00eb dhe t\u00eb tjera rr\u00ebfime zoologjike\u201d, shtypur n\u00eb shum\u00eb pak kopje n\u00eb Shkup, dep\u00ebrtuar n\u00eb akoma m\u00eb pak n\u00eb Tiran\u00eb, prandaj dhe e keni lexuar mbi nj\u00eb kopje p\u00ebrdorimi kolektiv tek \u201cE p\u00ebr7shmja\u201d.<\/p>\n<p>Pavar\u00ebsisht nga meritat e shkrimit, \u00ebsht\u00eb e sigurt se t\u00eb pakt\u00ebn ju, nd\u00ebr gjith\u00eb t\u00eb tjer\u00ebt, keni ardhur tashm\u00eb deri n\u00eb k\u00ebt\u00eb pik\u00eb t\u00eb leximit, meq\u00eb k\u00ebt\u00eb e k\u00ebrkon marr\u00ebveshja minimale q\u00eb p\u00ebrb\u00ebn intervistat. Shpresoj, ama, t\u00eb kemi lodhur e humbur rrug\u00ebs kategorin\u00eb posht\u00ebruese t\u00eb shfletuesve vertikal\u00eb, q\u00eb u zbresin maskuar ekraneve nga lart, n\u00eb k\u00ebrkim t\u00eb aksionit, vet\u00ebtimthi si forcat speciale me litar \u2013 ka t\u00eb pakt\u00ebn dyzet sekonda q\u00eb jan\u00eb larguar drejt linkut tjet\u00ebr, t\u00eb m\u00ebrzitur p\u00ebr vdekje \u2013 dhe k\u00ebshtu pas k\u00ebtij truku t\u00eb kemi mund\u00ebsi, me ajrin q\u00eb fituam pas braktisjes, t\u00eb flasim m\u00eb lirsh\u00ebm. Se i gjith\u00eb ky ekskursion i gjat\u00eb (kinse humbje rruge \u2013 n\u00eb fakt humbje gjurm\u00ebsh), ishte dhe m\u00ebnyra m\u00eb e mir\u00eb p\u00ebr t\u00eb p\u00ebrballuar p\u00ebrmendjen e Gofit dhe \u00e7astin kur thoni se rr\u00ebfimi p\u00ebr t\u00eb ju ka mbetur gjat\u00eb n\u00eb mendje. Me at\u00eb em\u00ebr keni zgjedhur t\u00eb m\u00eb drejtoheni, prej atij emri ju njoh. Prandaj, pa k\u00ebt\u00eb shpjegim p\u00ebr \u00e7\u2019shkakton ky em\u00ebr, nuk do t\u00eb merrte kuptimin q\u00eb do as fal\u00ebnderimi i thell\u00eb, krejt joformal, ndaj fjal\u00ebve tuaja n\u00eb hyrje t\u00eb bised\u00ebs. Se n\u00eb \u00e7do rast, mir\u00ebsjellja, sidomos n\u00eb publik, \u00ebsht\u00eb e n\u00ebnkuptuar dhe e par\u00ebnd\u00ebsishme, por nga k\u00ebnaq\u00ebsit\u00eb madhore t\u00eb k\u00ebsaj lloj zeje ku na bashkon shkrimi, \u00ebsht\u00eb pik\u00ebrisht ajo e lund\u00ebrthyerit tek sheh se anija q\u00eb i afrohet ishullit nuk po vjen rast\u00ebsisht ta shp\u00ebtoj\u00eb, \u00e7ka do t\u00eb mjaftonte: k\u00ebnaq\u00ebsi, gati po aq e madhe sa e shp\u00ebtimit nga vetmia, \u00ebsht\u00eb fakti se letra n\u00eb shishen q\u00eb ke flakur n\u00eb det, gati pa i besuar, \u00ebsht\u00eb kapur n\u00eb rrjet\u00ebn e pik\u00ebrisht k\u00ebsaj anije q\u00eb vjen t\u00eb t\u00eb shp\u00ebtoj\u00eb. Emri i koduar i Gofit, p\u00ebrmes kaq fjal\u00ebsh t\u00eb tjera q\u00eb mund t\u00eb kishit rreshtuar, e b\u00ebri pra detyr\u00ebn e vet dyfishe: m\u00eb sh\u00ebrbeu, n\u00eb p\u00ebrmas\u00ebn e shkruesit, t\u00eb besoj se ia kam arritur t\u00eb shpie s\u00eb paku nj\u00eb lexim tek i nj\u00ebjti burim nga u nisa; kurse, n\u00eb p\u00ebrmas\u00ebn shpirt\u00ebrore e politike, t\u00eb takoj me optimiz\u00ebm edhe nj\u00eb m\u00eb shum\u00eb prej shqiptar\u00ebve q\u00eb testi privat i Gofit ndan m\u00eb dysh.<\/p>\n<p>M\u00eb duhet t\u00eb siguroj q\u00eb vrasja edukative e qenve nuk \u00ebsht\u00eb ndonj\u00eb shqet\u00ebsim thjesht prej t\u00eb rrituri, p\u00ebrftuar mes klim\u00ebs ideologjike t\u00eb fundviteve 2010, kur shkrova p\u00ebr filmin. N\u00eb nj\u00eb poem\u00eb, q\u00eb m\u00eb \u00ebsht\u00eb botuar me librin e vitit 1995, kam disa vargje kushtuar nj\u00eb vjershe t\u00eb humbur, q\u00eb sot besoj se flet p\u00ebr Gofin:<\/p>\n<p>Dhe ia kam arritur t\u00eb shkruaj p\u00ebr mrekulli<\/p>\n<p>Q\u00eb hukat zemr\u00ebn time-kamban\u00eb<\/p>\n<p>Foshnj\u00eb rritur n\u00eb nj\u00eb pyll t\u00eb shpyll\u00ebzuar<\/p>\n<p>I zgjodha q\u00eb pa m\u00ebsuar t\u00eb lexoj<\/p>\n<p>Me nj\u00eb shqis\u00eb t\u00eb inatosur q\u00eb i ndan sakt\u00eb<\/p>\n<p>K\u00ebrpudhat e helm\u00ebta nga t\u00eb ngr\u00ebnshmet<\/p>\n<p>S\u2019pati k\u00eblysh kurve t\u00eb m\u00eb mbyll\u00eb<\/p>\n<p>N\u00eb azilet me ilustrime t\u00eb f\u00ebmij\u00ebve<\/p>\n<p>Libra t\u00eb shiturish ku fillon dhuna<\/p>\n<p>Nj\u00eb inkuizicion i madh, nj\u00eb zjarr duhet<\/p>\n<p>Ta djeg\u00eb injoranc\u00ebn e librave p\u00ebr f\u00ebmij\u00eb<\/p>\n<p>Q\u00eb jan\u00eb libra si tagjia n\u00eb drith\u00ebra<\/p>\n<p>Dhe n\u00ebse ka, si po thoni, nj\u00eb l\u00ebvizje t\u00eb re drejt librave t\u00eb mi t\u00eb vjet\u00ebr, ribotuar s\u00eb fundmi, dyshoj shum\u00eb se \u00e7ka th\u00ebrret n\u00eb pun\u00ebt e mia, qoft\u00eb edhe nj\u00eb publik jotipik, \u00ebsht\u00eb p\u00ebrshtypja e vagullt e ndonj\u00eb angullime q\u00eb mundohem t\u00eb ruaj, si amanet.<\/p>\n<p>Xhoina: Kan\u00eb kaluar shum\u00eb vite q\u00eb emri juaj \u00ebsht\u00eb p\u00ebrmendur m\u00eb tep\u00ebr me nostalgji, sesa me prani. Gjat\u00eb k\u00ebtyre viteve heshtje, lexuesit kan\u00eb krijuar versionet e tyre p\u00ebr largimin tuaj. Tani q\u00eb ju kemi p\u00ebrs\u00ebri p\u00ebrball\u00eb, besoj t\u00eb gjith\u00eb duam t\u2019ju pyesim me zem\u00ebr n\u00eb dor\u00eb: \u00e7\u2019artist po kthehet? Si ka qen\u00eb kjo periudh\u00eb p\u00ebr ju?<\/p>\n<p>Ervini: Kafsha sht\u00ebpiake q\u00eb merr arratin\u00eb, pak nga pak ka nisur dhe n\u00eb shqip t\u00eb quhet ferale. K\u00ebshtu i ka p\u00eblqyer ta shoh\u00eb veten p\u00ebrher\u00eb llojit t\u00eb artistit q\u00eb jam. Prandaj, nuk \u00ebsht\u00eb se jam rikthyer v\u00ebrtet apo as kam ikur krejt\u00ebsisht ndonj\u00ebher\u00eb, besoj. B\u00ebhet fjal\u00eb p\u00ebr llojin e artistit q\u00eb nj\u00ebkoh\u00ebsisht i afrohet e largohet pragut, i udh\u00ebhequr nga dritat, i frik\u00ebsuar mos e ndri\u00e7ojn\u00eb m\u00eb shum\u00eb se do, i t\u00ebrhequr nga ushqimi i kollajt\u00eb, por jo nga detyrat e sht\u00ebpis\u00eb q\u00eb vijn\u00eb me t\u00eb, n\u00eb dukje i nj\u00ebjt\u00eb me koleg\u00ebt n\u00eb oborr, deri n\u00eb kafshimin tin\u00ebzar. N\u00eb mes t\u00eb viteve 1990, shp\u00ebrndaja si ndonj\u00eb ekspozit\u00eb ambulante pseudo-kart\u00ebvizita shtypur mbi kart\u00ebmonedha t\u00eb skaduara, ku vet\u00ebp\u00ebrshkruhesha arrrtist, dometh\u00ebn\u00eb nj\u00eb lloj artisti q\u00eb hung\u00ebrin n\u00eb gjysm\u00eblarg\u00ebsi (titullatura patjet\u00ebr qe ndikuar prej asaj t\u00eb l\u00ebvizjes s\u00eb koh\u00ebs \u201criot grrrl\u201d). Dhe hung\u00ebrima nuk planifikohet dot si ndonj\u00eb rreng konceptual, \u00ebsht\u00eb i vetmi reagim ndaj neveris\u00eb.<\/p>\n<p>Prandaj, n\u00eb nj\u00ebfar\u00eb m\u00ebnyre, p\u00ebrher\u00eb kam qen\u00eb p\u00ebrball\u00eb, thjesht andej perdes. Un\u00eb jam m\u00ebsuar q\u00eb kalama t\u00eb mos ma konsiderojn\u00eb pranin\u00eb, q\u00eb fill sa botova librin e par\u00eb e pastaj asgj\u00eb vite me radh\u00eb e k\u00ebshtu dhe pas librit tjet\u00ebr, e tjetrit, periodikisht. Mbaj mend, nja dy libra me poezi m\u00eb par\u00eb, n\u00eb nj\u00eb konferenc\u00eb kulturore te Piramida, kur nj\u00eb fol\u00ebs m\u00eb cil\u00ebsoi gjat\u00eb diskutimit t\u00eb vet, me nj\u00ebfar\u00eb triumfi, si ish-poet. E kam merituar k\u00ebt\u00eb titull p\u00ebr s\u00eb gjalli. Po n\u00eb an\u00ebn tjet\u00ebr, sado q\u00eb e ardhmja periodikisht vonohej, ishin p\u00ebrher\u00eb lexuesit e gjall\u00eb q\u00eb vazhdonin t\u2019u jepnin rini vargjeve t\u00eb vjetra, edhe pa pritur t\u00eb rejat, me frym\u00ebmarrje goj\u00eb m\u00eb goj\u00eb.<\/p>\n<p>Tashm\u00eb, kur makina \u00e7do sekond\u00eb e m\u00eb shum\u00eb n\u00eb p\u00ebrsosje t\u00eb pandalshme po shk\u00ebrben art, dhe kur konsumi e kontrolli po e propozon artin t\u00eb personalizuar e pavetor si aplikacion n\u00ebp\u00ebr elektrosht\u00ebpiake, po v\u00ebrtetohet dhe intuita e vjet\u00ebr arrogante p\u00ebr vler\u00ebn e artistit p\u00ebrmbi artin, apo t\u00eb frym\u00ebs p\u00ebrmbi objektet dhe afatet e dor\u00ebzimit t\u00eb tyre.<\/p>\n<p>Xhoina: Ju i jeni bashkuar shum\u00eb her\u00ebt let\u00ebrsis\u00eb shqipe, gati-gati nj\u00eb riosh me talent t\u00eb pat\u00ebmet\u00eb, n\u00eb nj\u00eb koh\u00eb t\u00eb trazuar. Si e kujtoni sot at\u00eb periudh\u00eb? \u00c7far\u00eb ka mbetur nga ai Ervini djaloshar, idealist, shp\u00ebrthyes, dhe \u00e7far\u00eb ka ndryshuar te ju nd\u00ebrsa vitet, udh\u00ebtimet dhe p\u00ebrvojat kan\u00eb shtuar shtresa t\u00eb reja te krijimtaria?<\/p>\n<p>Ervini: Mbaj mend m\u00eb shum\u00eb se asgj\u00eb tjet\u00ebr, ose m\u00eb sakt\u00eb, nuk lejoj t\u00eb harrohet arsyeja pse libri im i par\u00eb mbeti aq muaj me radh\u00eb n\u00eb sirtar; sipas botuesit, i mungonte m\u00eb s\u00eb paku nj\u00eb poezi q\u00eb t\u00eb plot\u00ebsohej. B\u00ebhej fjal\u00eb p\u00ebr t\u00eb pakt\u00ebn nj\u00eb poezi, t\u00eb cil\u00ebn un\u00eb as e shkruaja dot, por nga ana tjet\u00ebr as dhe nuk guxoja dot t\u00eb pranoja q\u00eb s\u2019mundesha ta shkruaja. Dikush mund t\u00eb thot\u00eb pse e d\u00ebrgove at\u00ebher\u00eb librin t\u00eb botohej, po ec e pyete nj\u00eb kat\u00ebrmb\u00ebdhjet\u00ebvje\u00e7ar pse. Pezulli p\u00ebrfundoi kur vendin bosh t\u00eb poezis\u00eb e zuri nj\u00eb parath\u00ebnie. E shkroi bujarisht, p\u00ebr t\u00eb zhbllokuar librin e nj\u00eb f\u00ebmije krenar, dikush q\u00eb kishte botuar n\u00eb dekada kaq libra, n\u00eb t\u00eb cil\u00ebt nuk mund t\u00eb mungonte asnj\u00eb poezi e k\u00ebrkuar. \u00c7dokush duhet t\u00eb b\u00ebj\u00eb detyr\u00ebn e vet p\u00ebr t\u00eb plot\u00ebsuar kujtes\u00ebn e madhe publike, dhe mua m\u00eb bie p\u00ebr pjes\u00eb, nd\u00ebr t\u00eb tjera, t\u00eb d\u00ebshmoj p\u00ebr k\u00ebt\u00eb, qoft\u00eb dhe t\u00ebrthoras. Dhe m\u00eb jepet rasti t\u00eb p\u00ebrmend tani edhe nj\u00eb her\u00eb nj\u00eb post-scriptum me t\u00eb cilin p\u00ebrfundon nj\u00eb ese e hershme e Rudian Zekthit: \u201cDuke pasur turp q\u00eb p\u00ebrdora nj\u00eb liri, q\u00eb nuk e kishte im at\u00eb\u201d. Dikur, kam pas\u2019 propozuar q\u00eb \u00e7do shkrim i sot\u00ebm duhet lexuar me at\u00eb sh\u00ebnim posht\u00eb.<\/p>\n<p>Xhoina: N\u00eb nj\u00eb koh\u00eb kur fjala shpesh e ka humbur pesh\u00ebn e saj, a besoni se poezia ende e ka fuqin\u00eb t\u00eb ndryshoj\u00eb dend\u00ebsin\u00eb e realitetit? E ka ende at\u00eb forc\u00ebn e vet transformuese?<\/p>\n<p>Ervini: At\u00eb \u00e7ka quani, si e meriton, \u201cdend\u00ebsim t\u00eb realitetit\u201d mund ta provokoj\u00eb \u00e7do evokim, n\u00eb rrethan\u00ebn dhe z\u00ebrin duhur. Kur dikush th\u00ebrret besuesh\u00ebm, nga pas shpine: \u201cPolicia! Duart lart!\u201d, shpesh ndodh di\u00e7ka me temperaturat, hidraulik\u00ebn, kimin\u00eb brenda nesh \u2013 edhe n\u00ebse polici mungon. Nuk po them se poeti \u00ebsht\u00eb ndonj\u00eb lloj polici civil, po rreshtime t\u00eb caktuara t\u00eb figuracionit dhe muzikalitetit t\u00eb fjal\u00ebve, mund t\u00eb evokojn\u00eb metonimikisht fragmente e situata me pasoja shnd\u00ebrruese, t\u00eb cilat nuk vdesin kollaj, edhe po ktheu kok\u00ebn Orfeu.<\/p>\n<p>Xhoina: \u201cPasqyra e l\u00ebnd\u00ebs\u201d qe nj\u00eb nd\u00ebr dy librat q\u00eb u rikthye s\u00ebrish k\u00ebt\u00eb vit. Si e p\u00ebrjetoni faktin q\u00eb nj\u00eb lib\u00ebr me poezi jeton kaq gjat\u00eb? A e ndieni ende si librin q\u00eb keni shkruar dikur, apo sot ju vjen me kuptime krejt t\u00eb reja, sikur ta ket\u00eb shkruar nj\u00eb version tjet\u00ebr juaji? A ka poezi brenda tij q\u00eb ju flasin ndryshe, q\u00eb ju prekin p\u00ebr arsye t\u00eb tjera nga ato t\u00eb dikurshmet?<\/p>\n<p>Ervini: Me t\u00eb drejt\u00eb b\u00ebn p\u00ebrshtypje ribotimi pas dy dekadash i dy librave pararend\u00ebs t\u00eb k\u00ebtij t\u00eb fundit, i cili u ribotua po ashtu k\u00ebt\u00eb vit. Mund t\u00eb ishin ribotuar edhe m\u00eb par\u00eb, po sht\u00ebpia origjinale e botimit (ORA) \u00ebsht\u00eb mbyllur prej shum\u00eb koh\u00ebsh. Zakonisht, librat ndryshojn\u00eb sa her\u00eb i hap, sadopak. Un\u00eb kam besimin q\u00eb edhe ribotimi i librit t\u00eb fundit, \u201cTranskript nga krevati tjet\u00ebr\u201d, vjen ndryshe n\u00eb lexim sot, qoft\u00eb dhe prej nj\u00eb ndryshimi t\u00eb papritur skenari n\u00eb faqet 56-57.<\/p>\n<p>Pa e pasur fare n\u00eb plan, n\u00eb at\u00eb lib\u00ebr u grumbulluan vetiu poezi p\u00ebr poetin, por m\u00eb shum\u00eb si nj\u00eb lloj autopsie antropofag\u00eb sh\u00eblbyese dhurimi, me p\u00ebrshkrime t\u00eb gjymtimit deri n\u00eb bust t\u00eb poetit, me kok\u00ebn e tij mbyllur n\u00eb goj\u00ebn e luanit (si Herkuli), me vet\u00ebvrasjen e tij pas tentativash, apo me tituj si \u201cStatujat e poetit\u201d (t\u00eb thyera),\u201cGishtat e poetit\u201d, \u201cQafa e poetit\u201d apo \u201cDora e poetit 1\u201d dhe \u201cDora e poetit 2\u201d.<\/p>\n<p>Nj\u00eb nga k\u00ebto poezit\u00eb me dor\u00eb bazohet mbi nj\u00eb ngjarje, n\u00eb t\u00eb cil\u00ebn nj\u00eb burr\u00eb del e m\u00eb ve\u00e7on nga shok\u00ebt duke m\u00eb th\u00ebn\u00eb se vjen nga nj\u00eb qytet i larg\u00ebt, q\u00eb t\u00eb m\u00eb k\u00ebshilloj\u00eb t\u00eb l\u00eb loj\u00ebrat e rrug\u00ebs e t\u2019i kthehem shkrimit. (Poeti, romancieri dhe p\u00ebrkthyesi i vler\u00ebsuar, q\u00eb ndoshta as nuk e di q\u00eb e kam p\u00ebrshkruar n\u00eb vargje, meritonte t\u2019i p\u00ebrmendet k\u00ebtu emri, po kjo do ta varf\u00ebronte fare leximin, edhe pse b\u00ebhet fjal\u00eb m\u00eb shum\u00eb se p\u00ebr kronik\u00eb, por p\u00ebr mit: kat\u00ebr takimet e Bud\u00ebs s\u00eb ardhsh\u00ebm, shkrir\u00eb n\u00eb nj\u00eb). Si p\u00ebr t\u00eb m\u00eb dh\u00ebn\u00eb nj\u00eb shembull p\u00ebrkushtimi ndaj shkrimit, burri m\u00eb kujton se Viktor Hygoja priste mjekr\u00ebn, q\u00eb t\u00eb detyronte veten t\u00eb mbyllej e t\u00eb shkruante, derisa t\u2019i rritej e madhe dhe nj\u00ebher\u00eb, meq\u00eb pa mjekr\u00ebn n\u00eb ikon\u00eb turp\u00ebrohej, z\u00ebre se dilte lakuriq rrug\u00ebve. Dhe pastaj burri m\u00eb thot\u00eb se dhe vet\u00eb, q\u00eb t\u00eb detyronte veten t\u00eb ngulej e t\u00eb shkruante, kishte plan t\u00eb priste nj\u00ebr\u00ebn k\u00ebmb\u00eb. Mbaj mend si u llahtarisa para syve t\u00eb zgurdulluar t\u00eb poetit me pulsione, po problemi i vet\u00ebm \u00ebsht\u00eb se kur shkrova poezin\u00eb, dekada m\u00eb von\u00eb pas k\u00ebrc\u00ebnimit, nuk di pse mbaja mend q\u00eb burri kishte premtuar t\u00eb priste dor\u00ebn, jo k\u00ebmb\u00ebn.<\/p>\n<p>Kitaristi i madh Kol Shehu nj\u00ebher\u00eb m\u00eb ka pas th\u00ebn\u00eb nj\u00eb fjal\u00eb madh\u00ebshtore, q\u00eb nuk m\u00eb harrohet kurr\u00eb, e kam botuar edhe m\u00eb par\u00eb: Kitaristit nuk i duhet kitara. Nuk e di pse n\u00eb proces doli pastaj poeti pa duar, poezia q\u00eb shkruhet me dor\u00ebn e munguar, dhe kjo ma fshiu fantazin\u00eb e eremitit ankorit t\u00eb k\u00ebshilltarit tim, ardhur nga larg. Pastaj, n\u00eb nj\u00eb nga kthimet e detyruara n\u00eb Tiran\u00eb, duke u hedhur nj\u00eb sy letrave t\u00eb mia t\u00eb vjetra, zbulova dhe nj\u00eb sh\u00ebnim t\u00eb koh\u00ebs p\u00ebr takimin, ku shkruhej se shprehimisht njeriu m\u00eb kishte propozuar t\u00eb pres\u00eb k\u00ebmb\u00ebn p\u00ebr artin. Tani problemi \u00ebsht\u00eb se n\u00eb kopertin\u00eb t\u00eb librit un\u00eb kisha vendosur, mbi nj\u00eb platform\u00eb druri gjith\u00eb blana thikash, pik\u00ebrisht nj\u00eb k\u00ebmb\u00eb t\u00eb thyer porcelani, q\u00eb e kam gjetur n\u00eb udh\u00ebtim, dhe e kam b\u00ebr\u00eb shpejt e pa e menduar gjat\u00eb k\u00ebt\u00eb zgjedhje; vet\u00ebm tani, p\u00ebr shembull, po e lidh kopertin\u00ebn dhe me poezin\u00eb p\u00ebr statujat e thyera t\u00eb poetit. Por me restaurimin thuajse filologjik q\u00eb i kam b\u00ebr\u00eb tanim\u00eb poezis\u00eb, n\u00eb faqet 56-57, duke e rititulluar \u201cK\u00ebmba e poetit\u201d, kuptova akoma m\u00eb mir\u00eb psen\u00eb e kopertin\u00ebs. Kopertina kishte pritur pes\u00eb vjet rresht drejt\u00ebsin\u00eb historike.<\/p>\n<p>Xhoina: Lexuesit tuaj thon\u00eb se poezit\u00eb e k\u00ebtij libri jan\u00eb si pasqyra edhe p\u00ebr ta, nga ato q\u00eb pasqyrojn\u00eb vet\u00ebm at\u00eb q\u00eb njeriu ka guxim ta shoh\u00eb pa iu dridhur qerpiku. Cila ka qen\u00eb pasqyra juaj gjat\u00eb krijimit t\u00eb k\u00ebtij libri? \u00c7far\u00eb keni dashur t\u00eb pasqyronit v\u00ebrtet, qoft\u00eb edhe n\u00eb m\u00ebnyr\u00eb t\u00eb pavet\u00ebdijshme?<\/p>\n<p>Ervini: Dua t\u00eb p\u00ebrqendrohem m\u00eb mir\u00eb te loja q\u00eb prodhoi titullin \u201cPasqyra e l\u00ebnd\u00ebs\u201d; k\u00ebshtu em\u00ebrohej deri von\u00eb P\u00ebrmbajtja, lista e kapitujve n\u00eb fund t\u00eb librave. Meq\u00eb u p\u00ebrmend dhe melankolia e nostalgjia, kam merak t\u00eb ruaj e rip\u00ebrdor sa m\u00eb shum\u00eb sende e fjal\u00eb t\u00eb vjetra o t\u00eb harruara. N\u00eb k\u00ebt\u00eb rast, nj\u00eb term teknik i lib\u00ebrb\u00ebrjes, q\u00eb sot \u00ebsht\u00eb vjetruar, rip\u00ebrdoret si metafor\u00eb, dhe befas t\u00eb b\u00ebhet gllab\u00ebrues n\u00eb dor\u00eb; pasqyra e l\u00ebnd\u00ebs, trajta e shquar e absolutes q\u00eb shohim e na sheh. Ashtu si thot\u00eb Ungjilli: \u201cT\u00eb fundit do t\u00eb jen\u00eb t\u00eb par\u00ebt\u201d, ashtu e marr dhe un\u00eb at\u00eb togfjal\u00ebsh t\u00eb harruar n\u00eb fund t\u00eb \u00e7do libri n\u00eb shekullin e kaluar, dhe e nxjerr n\u00eb drit\u00eb t\u00eb re, me titullin n\u00eb ballin\u00eb. Ndoshta nj\u00eb prej pasqyrave ku shihem m\u00eb shpesh jan\u00eb pik\u00ebrisht k\u00ebto procedura komplekse malli, keqardhjeje e rezistence, p\u00ebr t\u00eb folur at\u00eb \u00e7ka harrohet a del mode, \u00e7ka fshihet e shtypet.<\/p>\n<p>Xhoina: Libri tjet\u00ebr q\u00eb u ribotua motin e shkuar \u00ebsht\u00eb \u201cRepublick of Albanania\u201d. Nj\u00eb lib\u00ebr q\u00eb nuk u harrua, por q\u00eb ngriti shum\u00eb pyetje, debate, reflektime. \u00c7far\u00eb ju \u00e7oi drejt tij? \u00c7\u2019k\u00ebrkonit t\u00eb hidhni n\u00eb let\u00ebr: nj\u00eb kritik\u00eb, nj\u00eb portret t\u00eb nj\u00eb Shqip\u00ebrie q\u00eb ndryshonte me vrull, apo nj\u00eb k\u00ebndv\u00ebshtrim m\u00eb skeptik p\u00ebr identitetin dhe drejtimin ton\u00eb?<\/p>\n<p>Ervini: \u201cRepublick of Albanania\u201d \u00ebsht\u00eb tri gj\u00ebra n\u00eb nj\u00eb. Fillimisht, \u00ebsht\u00eb parulla insistuese n\u00eb p\u00ebrngjitjen e fjal\u00ebve t\u00eb titullit, afishuar n\u00ebp\u00ebr librari edhe p\u00ebr ata q\u00eb librin nuk do ta lexojn\u00eb, bile edhe p\u00ebr ata q\u00eb nuk din\u00eb shqip. \u201cRepublick of Albanania\u201d pastaj \u00ebsht\u00eb edhe nj\u00eb shum\u00ebfishim, po aty, i kolazhit q\u00eb e p\u00ebrmban, mes bananesh, k\u00ebt\u00eb parull\u00eb. Dhe sapo kap\u00ebrcen si xhungl\u00ebn ballin\u00ebn me banane, shfaqet libri si antologji autobiografike tekstesh t\u00eb tipave t\u00eb ndrysh\u00ebm, botuar gjat\u00eb viteve 1993-2004 n\u00eb gazeta e revista, sot gati krejt t\u00eb zhdukura. Sidomos n\u00eb botimin e fundit, libri e shpall edhe m\u00eb fort, n\u00eb materialitetin e vet, t\u00eb qen\u00ebt nj\u00eb cop\u00eb arti. Dhe, ashtu si shpjegoj n\u00eb parath\u00ebnien shkruar p\u00ebr k\u00ebt\u00eb ribotim pas gati dy dekadash, parulla hap\u00ebse, ngulur republik\u00ebs, vazhdon t\u00eb jet\u00eb po aq aktuale sa kur e thura me kolazhin, nga mesi i viteve n\u00ebnt\u00ebdhjet\u00eb t\u00eb shekullit q\u00eb shkoi.<\/p>\n<p>Xhoina: N\u00eb artin tuaj, qoft\u00eb poezi apo proz\u00eb, shfaqet vazhdimisht nj\u00eb udh\u00ebtim i brendsh\u00ebm q\u00eb flet p\u00ebr qytete, p\u00ebr rr\u00ebnj\u00eb, p\u00ebr kultur\u00eb, p\u00ebr zenitin shpirt\u00ebror. N\u00eb \u00e7\u2019vend ka zbarkuar sot anija juaj? A ka nj\u00eb vend, nj\u00eb hap\u00ebsir\u00eb, ku artisti brenda jush gjen paqen m\u00eb t\u00eb madhe?<\/p>\n<p>Ervini: T\u00eb gjitha vendet e paqes jan\u00eb vende rikthimesh: p\u00ebrher\u00eb nj\u00ebri sy sheh n\u00eb t\u00eb kaluar\u00ebn, dhe ia mbivendos pamjen e vendeve t\u00eb vjetra tjetrit sy q\u00eb sheh t\u00eb tashmen, e anasjelltas. K\u00ebshtu q\u00eb asnj\u00eb vend nuk mund t\u00eb jet\u00eb dot i huaj plot\u00ebsisht, po ka vende ku sinkronizimi me t\u00eb shkuar\u00ebn \u00ebsht\u00eb m\u00eb harmonik, m\u00eb af\u00ebr paqes s\u00eb rikthimit n\u00eb padije, n\u00eb mbrojtjen am\u00ebsore, etj. Paqja mes s\u00eb shkuar\u00ebs \u00ebsht\u00eb me p\u00ebrkufizim e p\u00ebrkohshme, p\u00ebrfundon sa e kupton, si\u00e7 p\u00ebrfundon, fjala vjen, ashp\u00ebr nj\u00eb p\u00ebrqafim, e ndoshta me t\u00eb dhe gjith\u00eb lidhja, sapo shqipton symbyllur nj\u00eb em\u00ebr t\u00eb vjet\u00ebr.<\/p>\n<p>Xhoina: Si \u00ebsht\u00eb procesi juaj i t\u00eb shkruarit sot? A keni ndonj\u00eb ritual, ndonj\u00eb or\u00eb t\u00eb dit\u00ebs, nj\u00eb qoshe t\u00eb sht\u00ebpis\u00eb, nj\u00eb heshtje q\u00eb nuk e ndani me ask\u00ebnd, apo poezia vjen pa paralajm\u00ebrime, edhe kur jeni mes zhurmnaj\u00ebs s\u00eb p\u00ebrditshm\u00ebris\u00eb?<\/p>\n<p>Ervini: Poezin\u00eb p\u00ebrher\u00eb m\u00eb duhet ta harroj dhe m\u00ebsoj nga e para, n\u00eb m\u00ebnyr\u00eb q\u00eb t\u00eb prish familjaritetin. Prandaj dhe poezi detyrimisht shkruaj rrall\u00eb, rregullisht gjat\u00eb disa muajsh rinjohjeje q\u00eb i ndajn\u00eb vite t\u00eb t\u00ebra nga tentativa m\u00eb e fundit. Po ashtu, logjikisht, poezi nuk shkruaj dot shum\u00eb n\u00eb sht\u00ebpi, sa jasht\u00eb, kudoqoft\u00eb. Tjet\u00ebr pun\u00eb me tekste t\u00eb tjera, jo n\u00eb vargje, t\u00eb cilat i shkruaj rregullisht dhe brenda.<\/p>\n<p>Xhoina: Dikur, keni th\u00ebn\u00eb se fjala nuk mund ta humb\u00eb dot shenjt\u00ebrin\u00eb, sado t\u00eb p\u00ebrpiqemi. A \u00ebsht\u00eb kjo ende m\u00ebnyra si e p\u00ebrjetoni poezin\u00eb, apo viteve i jan\u00eb shtuar edhe arsye t\u00eb tjera q\u00eb ju shtyjn\u00eb t\u00eb shkruani?<\/p>\n<p>Ervini: Ende e besoj at\u00eb q\u00eb kam th\u00ebn\u00eb: fjala v\u00ebrtet nuk mund ta humb\u00eb shenjt\u00ebrin\u00eb e vet, sado t\u00eb p\u00ebrpiqemi; po, nga ana tjet\u00ebr, lum kush nuk p\u00ebrpiqet! Nuk i do qar\u00eb shum\u00eb halli fjal\u00ebs n\u00eb k\u00ebt\u00eb mes, sa kujt shp\u00ebrdoron me kapacitetin e p\u00ebrjetimit t\u00eb saj. Gjith\u00e7ka duhet supozuar e fundme. Alternativ\u00ebs s\u00eb harxhimit i ekspozohemi sa her\u00eb hapim goj\u00ebn a kapim shkronj\u00ebn.<\/p>\n<p>Xhoina: A ju ka ndodhur t\u00eb hiqni dor\u00eb nga poezi shum\u00eb t\u00eb ve\u00e7anta, vet\u00ebm sepse nuk ju dukeshin t\u00eb v\u00ebrteta? Ku e vendosni ju kufirin mes estetik\u00ebs dhe sinqeritetit?<\/p>\n<p>Ervini: Faleminderit p\u00ebr k\u00ebto dy pyetje! Historia e gjith\u00eb shkrimit apo th\u00ebnieve, sidomos t\u00eb poezis\u00eb, \u00ebsht\u00eb patjet\u00ebr negativi i nj\u00eb historie heqjesh dor\u00eb, shpesh p\u00ebr arsye etike.<\/p>\n<p>Kurse kufirin, qoft\u00eb dhe at\u00eb mes estetik\u00ebs dhe sinqeritetit, e v\u00eb kohor, si thash\u00eb dhe m\u00eb sip\u00ebr, me vitet q\u00eb ndajn\u00eb nj\u00eb grusht poezish nga tjetri, p\u00ebr t\u00eb mos r\u00ebn\u00eb n\u00eb ring, sepse aq mbaj. I kam imponuar poezis\u00eb time nj\u00eb temporalitet dhe kalendar gati ritual, si e si t\u2019i hyj nga e para, duke u ripastruar e rishpikur gjer p\u00ebr her\u00ebn tjet\u00ebr, po as k\u00ebshtu nuk besoj se ia dal dot t\u00ebr\u00ebsisht me sinqeritetin. Di t\u00eb them se \u00e7far\u00eb m\u00eb mban ende n\u00eb k\u00ebt\u00eb rrug\u00eb \u00ebsht\u00eb besnik\u00ebria ndaj aktit t\u00eb papritur dhe t\u00eb pashpjeguesh\u00ebm \u2013 sot \u2013 t\u00eb nj\u00eb f\u00ebmije, q\u00eb nj\u00eb pasdite t\u00eb dyzet e ca viteve m\u00eb par\u00eb, n\u00eb cepin e nj\u00eb dhome q\u00eb nuk e harroj dot, ulur mbi shtrat, mori t\u00eb barazlargoj\u00eb fjalit\u00eb prej dy cepave t\u00eb nj\u00eb fletoreje me katrore, duke ngritur k\u00ebshtu mes saj shtyll\u00ebn e par\u00eb me vargje. Dorike. Forma ishte patjet\u00ebr imitim, po jo akti. Pastaj f\u00ebmij\u00ebs iu duk se po t\u00eb mos vazhdonte t\u00eb ngrej\u00eb me ngut dhe shtylla t\u00eb tjera, di\u00e7ka do t\u00eb binte. Njeriu \u00ebsht\u00eb qenie e r\u00ebn\u00eb, poezia \u00ebsht\u00eb nj\u00eb nga ato tentativat m\u00eb prek\u00ebse p\u00ebr ta ngritur, dhe ndoshta sinqeriteti i f\u00ebmij\u00ebs e besonte k\u00ebt\u00eb edhe pa e ditur. Mua m\u00eb ka mbetur t\u00eb besoj f\u00ebmij\u00ebn.<\/p>\n<p>Xhoina: Gjat\u00eb gjith\u00eb k\u00ebtyre viteve, cila ka qen\u00eb fjalia m\u00eb e \u00e7uditshme, m\u00eb prek\u00ebse, ose m\u00eb trondit\u00ebse q\u00eb dikush ju ka th\u00ebn\u00eb rreth krijimtaris\u00eb suaj? Nj\u00eb nga ato q\u00eb zor se t\u00eb shkulet m\u00eb prej mendjes.<\/p>\n<p>Ervini: Pa zhvler\u00ebsuar asgj\u00eb tjet\u00ebr q\u00eb m\u00eb \u00ebsht\u00eb th\u00ebn\u00eb, fjalia m\u00eb e \u00e7uditshme p\u00ebr poezin\u00eb time, m\u00eb prek\u00ebse dhe m\u00eb trondit\u00ebse \u2013 p\u00ebr t\u00eb respektuar plot\u00ebsisht rreshtimin tuaj \u2013 ka qen\u00eb ajo q\u00eb kam lexuar t\u00eb sh\u00ebnuar n\u00eb faqen e tret\u00eb t\u00eb librit ashtuquajtur \u201cGjashta ma\u00e7\u201d, botuar m\u00eb 1995. Nga kujtesa riprodhoj: \u201cLexoje k\u00ebt\u00eb lib\u00ebr, po s\u2019t\u00eb p\u00eblqeu, digje\u201d. E kishte shkruar po at\u00eb vit nj\u00eb kameriere, e cila ia dhuronte librin tim banakierit n\u00eb nj\u00eb klub \u2013 sot patjet\u00ebr t\u00eb prishur -, af\u00ebr diagonalit hyr\u00ebs n\u00eb juglindje t\u00eb parkut Rinia, buz\u00eb bordur\u00ebs. Klubi quhej \u201cPiccolo Mondo\u201d dhe shkoja aty m\u00eb shpesh se tjet\u00ebrkund, ndon\u00ebse rrall\u00eb, dhe jo p\u00ebr t\u2019u ulur, meq\u00eb qe klubi m\u00eb af\u00ebr shat\u00ebrvanit t\u00eb thar\u00eb, brenda t\u00eb cilit rrinim p\u00ebr ekstraterritorialitet. Ka shum\u00eb mund\u00ebsi q\u00eb kamerierja e dashuruar m\u00eb njihte, ashtu si edhe banakieri, se helbete \u201cPiccolo mondo\u201d, por po aq mund\u00ebsi ka q\u00eb edhe t\u00eb dy t\u00eb mos e lidhnin dot emrin me fytyr\u00ebn; nuk ka qen\u00eb koh\u00eb ekranesh e konfirmimi imazhesh si sot. Librin, q\u00eb mbante si fatur\u00eb mbishkrimin e zjarrt\u00eb t\u00eb kamerieres, ma tregon, s\u00eb paku dhjet\u00eb vite pas ngjarjes, n\u00ebna e ish-banakierit, nj\u00eb poete jo pak e njohur, e cila ndoshta po na lexon, por nuk do t\u2019ia p\u00ebrmend emrin. \u201cPo p\u00ebr \u00e7far\u00eb i hyra un\u00eb k\u00ebsaj pune? \u2013 i thash\u00eb me buz\u00ebn vesh m\u00eb vesh, \u2013 p\u00ebrve\u00e7se p\u00ebr t\u2019ia mb\u00ebrritur dit\u00ebs kur nj\u00eb kameriere i fal banakierit librin tim me poezi, mu pas shpin\u00ebs sime anonime?\u201d. Nuk ika pa ia marr\u00eb librin, meq\u00eb m\u00eb p\u00ebrkiste m\u00eb shum\u00eb se askujt tjet\u00ebr, dhe i dhash\u00eb n\u00eb k\u00ebmbim nj\u00eb kopje t\u00eb pash\u00ebnuar, p\u00ebr ta djegur.<\/p>\n<p>Xhoina: Gjat\u00eb gjith\u00eb k\u00ebsaj periudhe t\u00eb heshtur, larg syrit t\u00eb lexuesve, a keni vazhduar t\u00eb shkruani di\u00e7ka q\u00eb ende nuk ka marr\u00eb udh\u00eb drejt botimit? A ekzistojn\u00eb dor\u00ebshkrime, projekte poetike, prozash apo edhe piktura q\u00eb presin koh\u00ebn e tyre p\u00ebr t\u00eb dal\u00eb n\u00eb drit\u00eb?<\/p>\n<p>Ervini: M\u00eb shum\u00eb se gjith\u00e7ka ekziston nj\u00eb arkiv projektesh, sh\u00ebnimesh e fillesash, t\u00eb vjetra dhe m\u00eb pak t\u00eb vjetra, p\u00ebrdit\u00eb, t\u00eb cilat presin vet\u00ebm shk\u00ebputjen drejt form\u00ebs, si vendim. \u00cbsht\u00eb ai momenti, me k\u00ebmb\u00ebt e pasigurta n\u00eb uj\u00eb, q\u00eb zgjat derisa kujtohesh se deti duket p\u00ebrher\u00eb i ftoht\u00eb, deri kur hidhesh.<\/p>\n<p>Xhoina: Ribotimet q\u00eb u rikthyen k\u00ebt\u00eb vit n\u00eb panair u p\u00ebrjetuan si nj\u00eb rikthim i vog\u00ebl festiv p\u00ebr lexuesin tuaj besnik. Po p\u00ebr ju, si kan\u00eb qen\u00eb? Nj\u00eb kthim i q\u00ebllimsh\u00ebm drejt sken\u00ebs letrare, apo thjesht nj\u00eb \u00e7ast i qet\u00eb ku \u00e7elni dritaren sa p\u00ebr t\u00eb marr\u00eb frym\u00eb me lexuesin?<\/p>\n<p>Ervini: M\u00eb t\u00ebrheq gjithnj\u00eb e m\u00eb shum\u00eb arti i heshtjes dhe i kornizimit, prandaj k\u00ebtu thjesht po u b\u00ebj sfond fjal\u00ebve tuaja:<\/p>\n<p>\u201c\u00e7el dritaren sa p\u00ebr t\u00eb marr\u00eb frym\u00eb me lexuesin\u201d.<\/p>\n<p>Xhoina: N\u00ebse p\u00ebrball\u00eb jush do t\u00eb ulej nj\u00eb poet i ri shqiptar, me dor\u00ebshkrimin e tij t\u00eb par\u00eb n\u00eb duar dhe me gjith\u00eb brisht\u00ebsin\u00eb q\u00eb sjell debutimi, \u00e7far\u00eb do t\u2019i thoshit? Cila do t\u00eb ishte k\u00ebshilla juaj m\u00eb e v\u00ebrtet\u00eb, m\u00eb e \u00e7lir\u00ebt, m\u00eb njer\u00ebzore?<\/p>\n<p>Ervini: Duhet zem\u00ebr e fort\u00eb p\u00ebr t\u00eb dh\u00ebn\u00eb k\u00ebshilla, se p\u00ebrher\u00eb druhesh mos l\u00ebndosh, prandaj p\u00ebrher\u00eb k\u00ebrkoj dhe p\u00ebrher\u00eb m\u00eb jepet t\u00eb gjej s\u00eb paku nj\u00eb \u00e7ast bukurie n\u00eb \u00e7do dor\u00ebshkrim. M\u00eb jepni nj\u00eb pik\u00eb, thoshte Arkimedi. Nuk kam b\u00ebr\u00eb asnj\u00ebher\u00eb asgj\u00eb m\u00eb shum\u00eb se kjo, p\u00ebr k\u00eb m\u00eb dor\u00ebzon pun\u00ebn e vet: ta fal\u00ebnderoj sa m\u00eb sinqerisht, qoft\u00eb dhe p\u00ebr mundimin tim n\u00eb gjetjen e asaj pike bukurie.<\/p>\n<p><strong><em>\u2014 ExLibris<\/em><\/strong><\/p>","protected":false},"excerpt":{"rendered":"<p>Nga Ervin Hatibi\/ Pak autor\u00eb n\u00eb let\u00ebrsin\u00eb shqipe arrijn\u00eb t\u00eb krijojn\u00eb nj\u00eb lidhje t\u00eb atill\u00eb me lexuesit, sa edhe nj\u00eb ribotim p\u00ebrjetohet si nj\u00eb ngjarje e re letrare. N\u00eb vitin q\u00eb lam\u00eb pas, n\u00eb Panairin e 28-t\u00eb t\u00eb Librit, sapo u p\u00ebrhap lajmi se sht\u00ebpia botuese \u201cOnufri\u201d kish ribotuar librat \u201cRepublick of Albanania\u201d dhe \u201cPasqyra [&hellip;]<\/p>\n","protected":false},"author":0,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-63444","post","type-post","status-publish","format-standard","hentry","category-uncategorized"],"_links":{"self":[{"href":"https:\/\/zennihost.com\/test\/wp-json\/wp\/v2\/posts\/63444","targetHints":{"allow":["GET"]}}],"collection":[{"href":"https:\/\/zennihost.com\/test\/wp-json\/wp\/v2\/posts"}],"about":[{"href":"https:\/\/zennihost.com\/test\/wp-json\/wp\/v2\/types\/post"}],"replies":[{"embeddable":true,"href":"https:\/\/zennihost.com\/test\/wp-json\/wp\/v2\/comments?post=63444"}],"version-history":[{"count":0,"href":"https:\/\/zennihost.com\/test\/wp-json\/wp\/v2\/posts\/63444\/revisions"}],"wp:attachment":[{"href":"https:\/\/zennihost.com\/test\/wp-json\/wp\/v2\/media?parent=63444"}],"wp:term":[{"taxonomy":"category","embeddable":true,"href":"https:\/\/zennihost.com\/test\/wp-json\/wp\/v2\/categories?post=63444"},{"taxonomy":"post_tag","embeddable":true,"href":"https:\/\/zennihost.com\/test\/wp-json\/wp\/v2\/tags?post=63444"}],"curies":[{"name":"wp","href":"https:\/\/api.w.org\/{rel}","templated":true}]}}