Zyrtare, Milan “i tregon derën” trajnerit Allegri, pritet largimi i Tares dhe Furlanit

Milan ka ndarë rrugët me trajnerin Max Allegri. Lajmi është bërë publik nga klubi, nëpërmjet një postimi në rrjetet sociale.

“Pas zhgënjimit të sezonit të kaluar, objektivi i përcaktuar nga pronarët për klubin ishte i qartë: rikthimi në UEFA Champions League dhe ndërtimi i bazave për të fituar dhe për të qëndruar vazhdimisht në majat e Serie A.

Për pjesën më të madhe të sezonit kemi qenë në dy pozitat e para të kampionatit, me një mundësi konkrete për të luftuar për Scudetto. Megjithatë, fundi i sezonit ishte shumë poshtë nivelit të treguar deri në atë moment dhe humbja zhgënjyese e mbrëmshme e ka kthyer këtë sezon në një dështim të qartë.” Allegri qëndroi në pankinë për 42 ndeshje.

Lajmet që qarkullojnë në Itali flasin gjithashtu për një “revolucion” në strukturën drejtuese të klubit kuqezi, ku përveç trajnerit, raportohet se janë larguar edhe figura të rëndësishme të menaxhmentit.

Mes emrave të përmendur janë CEO i klubit Giorgio Furlani, drejtori sportiv Igli Tare, si edhe shefi i skautingut Geoffrey Moncada.

gijotina.com/

The post Zyrtare, Milan “i tregon derën” trajnerit Allegri, pritet largimi i Tares dhe Furlanit appeared first on GIJOTINA.