Imuniteti i Ballukut nuk futet në rendin e ditës në kuvend, Rama synon të djegë afatet

Çështja e imunitetit të Belinda Ballukut vijon të zvarritet nga pala socialiste, prej vitit të kaluar.

Edhe pse SPAK ka kërkuar arrestimin e Ballukut, me argumentin se lënia e saj e lirë rrezikon prishjen e provave, socialistët me urdhër të Ramës i japin akoma kohë të besuarës së tij.

Në rendin e ditës të seancës plenare, që pritet të mbahet ditën e nesërme Kuvendi nuk e ka përfshirë çështjen e Imunitetit të Ballukut, apo kërkesën e SPAK për arrestimin e saj.

Mbetet për t’u parë se në cilën seancë parlamentare do të trajtohet kjo çështje.

Edhe pak ditë na ndajnë nga djegia e këtij afati.

Në momentin që socialistët prezantojnë raportin në Kuvend, atëherë seanca plenare duhet të mblidhet brenda 48 orësh për të vendosur.

Zvarritja e Edi Ramës është e qëllimshme, pasi kërkon të mbrojë zëvendësen e tij, pasi në afera janë të implikuar së bashku.

Nga ana tjetër, opozita ka paralajmëruar protestë para Kuvendit ditën kur të vendoset të shqyrtohet imuniteti i Ballukut.

Ndërkohë kujtojmë se vetëm pak ditë më parë, Balluku u shkarkua nga detyra e zv/kryeministres dhe ministres, bashkë me Elisa Spiropalin dhe Pirro Vëngun.

 

 

The post Imuniteti i Ballukut nuk futet në rendin e ditës në kuvend, Rama synon të djegë afatet appeared first on GIJOTINA.