Një vatër zjarri është raportuar këtë pasdite, në një banesë në fshatin Kusarth, Njësia Administrative Bradashesh, në Bashkinë Elbasan.

Sipas informacioneve paraprake, zjarri ka rënë në katin e parë të banesës, ku kanë marrë flakë kryesisht mbeturina dhe sende jashtë përdorimit.

Menjëherë pas njoftimit, në vendngjarje kanë mbërritur forcat e MZSH Elbasan, të cilat po punojnë për shuarjen dhe izolimin e plotë të flakëve, duke mos lejuar përhapjen e tyre në pjesët e tjera të banesës.

Deri tani nuk raportohet për persona të lënduar, ndërsa po vijon puna për përcaktimin e shkaqeve të zjarrit.

gijotina.com/

The post Elbasan/ Zjarr në katin e parë të një banese, zjarrfikësit izolojnë vatrën appeared first on GIJOTINA.