Një zjarr ka përfshirë kampin social të komunitetit rom në Shkodër mëgjesin e sotëm.
“Rreth orës 09:30, në lagjen “Skënderbeg”, ka rënë zjarr në 3 kontenierë për banim. Shërbimet e Policisë dhe të zjarrfikëses kanë shkuar menjëherë në vendin e ngjarjes dhe po punojnë për shuarjen e zjarrit”, njofton policia.
Nuk raportohet për të lënduar, por zjarri ka shkaktuar dëme të konsiderueshme materiale ku janë djegur plotësisht 3 kontenierë.
Aktualisht, në këto kontejnerë jetojnë mbi 142 banorë të komunitetit rom, të cilët më parë banonin në kushte ekstreme varfërie dhe pasigurie.
Grupi hetimor po punon për zbardhjen e rrethanave të rastit.
The post Zjarr në tre kontejnerë banimi në Shkodër, shërbimi zjarrfikës dhe policia në ‘luftë’ me flakët appeared first on GIJOTINA.