Festa e tifozëve të PSG në Mynih ka kaluar çdo kufi: pas fitores dërrmuese kundër Inter, një turmë parizienësh u fut në fushë duke lënë pas një gjurmë shkatërrimi mes flakadanëve, raketave dhe kapsollave që shpërthyen mbi barin e “Allianz Arena”. Situata e pakëndshme është tashmë nën hetim nga UEFA, por mund të vijnë edhe gjoba të tjera të rënda për francezët për mënyrën se si lanë ambientet e stadiumit, i cili nesër do të presë finalen e Nations League mes Gjermanisë dhe Portugalisë.

Sipas asaj që raporton BILD, PSG mund të detyrohet të dëmshpërblejë të gjitha dëmet e shkaktuara nga tifozët e saj gjatë pushtimit të fushës. Bari i stadiumit është i mbushur me gropa dhe mungojnë tërësisht copa dheu, të cilat janë marrë me vete si kujtim i finales historike të fituar. Një shkatërrim që do të shkaktojë jo pak vështirësi për dy kombëtaret që nesër duhet të luajnë pikërisht në impiantin e Mynihut dhe që mund të gjejnë kushte jo ideale.

Tifozët e PSG shkatërruan barin e “Allianz Arena”

Është një problem që nuk duhet nënvlerësuar dhe që do t’i sjellë shumë shqetësime edhe klubit parizien, i cili do të detyrohet të paguajë gjoba të kripura për sjelljen e tifozëve të tij. Të gjithë u hodhën në fushë për të festuar fitoren në Champions League, duke shkelur disa rregulla të UEFA-s: gjobat e para do të vijnë për përdorimin e papërshtatshëm të raketave dhe flakadanëve, por PSG mund të detyrohet të paguajë për restaurimin e të gjithë fushës: shumë tifozë kanë shqyer copa bari për t’i marrë në shtëpi si suvenir, duke lënë gropa të thella në terren, vetëm katër ditë para ndeshjes Gjermani-Portugali.

Der Schaden am Rasen der Allianz Arena, nachdem PSG-Fans gestern Abend das Spielfeld stürmten und Grasstücke mitnahmen.

In vier Tagen spielt dort Deutschland gegen Portugal. pic.twitter.com/Y8YdunMK1j

— bayern_aktuell (@bayern_aktuell_) June 1, 2025

Kopshtarët e stadiumit kanë vlerësuar dëmet dhe janë përpjekur ta rikuperojnë fushën sa më shumë të jetë e mundur, për të garantuar kushte optimale për skuadrat, duke shfrytëzuar edhe teknologjitë moderne që ka impianti i Mynihut, por kjo nuk do ta shpëtojë klubin francez nga një gjobë e rëndë për veprimet e tifozëve të tij.

The post Tifozët shkatërruan fushën, PSG duhet të paguajë dëmet: kanë marrë copa bari me vete appeared first on Lapsi.al.