misioni Qendror i Zgjedhjeve ka njoftuar se ka përfunduar procesi i numërimit të votave të ardhura nga diaspora për subjektet zgjedhore në 11 qarqe të vendit. Aktualisht, numërimi vijon vetëm në qarkun e Korçës, ku ende pritet përmbyllja zyrtare e rezultateve për partitë politike.

Sipas të dhënave zyrtare të KQZ-së, qarqet ku ka përfunduar numërimi i votave për partitë janë:

Tiranë

Durrës

Shkodër

Dibër

Lezhë

Fier

Vlorë

Elbasan

Berat

Gjirokastër

Kukës

Ndërkohë, procesi i numërimit për votat e kandidatëve (votimi preferencial) nga diaspora ka përfunduar në qarkun Kukës, dhe ka filluar në këto 10 qarqe:

Tiranë

Durrës

Shkodër

Fier

Lezhë

Dibër

Elbasan

Vlorë

Berat

Gjirokastër

Ky është hapi i fundit në një proces që ka tërhequr vëmendje të madhe publike dhe mediatike, sidomos për faktin se është hera e parë që shqiptarët që jetojnë jashtë vendit kanë pasur mundësi të votojnë në një mënyrë të strukturuar dhe të centralizuar për zgjedhjet parlamentare.

KQZ pritet të publikojë së shpejti rezultatet përfundimtare të votimit nga diaspora për të gjithë vendin, përfshirë edhe ndarjen e votave sipas partive dhe kandidatëve në listat e hapura. Rezultatet e Korçës, të cilat janë ende në proces, pritet të mbyllin përfundimisht këtë fazë të rëndësishme të zgjedhjeve.

The post Diaspora/ Përfundon numërimi i votave për partitë në 11 qarqe, vijon vetëm në Korçë appeared first on GIJOTINA.