Që nga sezoni i ardhshëm, Trent Alexander-Arnold nuk do të jetë më një lojtar i Liverpool. Mungesa e rinovimit të kontratës tani është zyrtare, ashtu si edhe zërat që prej disa muajsh insistonin me forcë për largimin e tij: titulli i fituar një javë më parë ishte suksesi i tij i fundit me Reds, i ardhur në fund të një historie shumë të gjatë që nisi në vitin 2004 në klubin e qytetit ku ka lindur dhe është rritur, deri sa u bë një nga idhujt më të mëdhenj të të gjithë tifozëve.

Ka qenë vetë ai që ka njoftuar largimin në fund të këtij sezoni me një video që përmbledh të gjitha momentet më të mira dhe një letër drejtuar të gjithë atyre që ndër vite i kanë qëndruar pranë dhe kanë gëzuar me të për sukseset. Një moment prekës, por që në fakt ndjehej në ajër prej kohësh. Sipas zërave, në verë ai do të fluturojë drejt Real Madridit që e ndjek prej kohësh dhe që tani mund ta afrojë me parametër zero, duke qenë se kontrata me anglezët skadon natyrshëm.

After 20 years at Liverpool Football Club, now is the time for me to confirm that I will be leaving at the end of the season.

This is easily the hardest decision I’ve ever made in my life.

I know many of you have wondered why or been frustrated that I haven’t spoken about this… pic.twitter.com/emAw5RvXq0

— Trent Alexander-Arnold (@TrentAA) May 5, 2025

Alexander-Arnold i jep lamtumirën Liverpool

Kanë kaluar 20 vjet që nga momenti kur mbrojtësi i djathtë vuri për herë të parë këmbë në Akademinë e Reds. Ka kaluar të gjitha etapat deri te skuadra e parë, e fituar në vitin 2016 nën drejtimin e Klopp, dhe që nga ai moment ka qenë gjithmonë titullar fiks. Për këtë arsye ai zgjodhi të dalë vetë për të dhënë lajmin e largimit të tij: “Pas 20 vitesh te Liverpool Football Club, ka ardhur momenti për mua që të konfirmoj se do të largohem në fund të sezonit. Kjo është, pa dyshim, vendimi më i vështirë që kam marrë ndonjëherë në jetën time. E di që shumë prej jush janë pyetur pse ose janë ndier të zhgënjyer që nuk kam folur ende, por qëllimi im gjithmonë ka qenë të përqendrohem vetëm te interesi i skuadrës, domethënë sigurimi i titullit të 20-të.”

Alexander-Arnold do ta mbyllë karrierën e tij te Liverpool me 352 paraqitje, 23 gola dhe nëntë trofe, mes të cilëve dy Premier League, një Champions League (i paharrueshëm këndi i ekzekutuar me shpejtësi në gjysmëfinalen kundër Barcelonës) dhe një Kupë Bote për Klube. Anësori ka qëndruar në qytet gjatë gjithë jetës së tij dhe ndiente nevojën për stimuj të rinj: “Do të jem përgjithmonë borxhli ndaj jush. Por nuk kam njohur kurrë asgjë tjetër dhe ky vendim lind nga nevoja për të përballuar një sfidë të re, për të dalë nga zona ime e rehatisë dhe për të shtyrë veten përtej kufijve të mi si në aspektin profesional ashtu edhe në atë personal.”

The post Alexander-Arnold braktis Liverpool pas 20 vitesh, mesazhi është prekës: “Jam borxhli” appeared first on Lapsi.al.