Demokratët Evropianë kanë reaguar për rastin e 28-vjeçarit Erjon Vishkulli, i cili u plagos në sy me plumb gome gjatë protestës në Tiranë, duke kërkuar hetim të pavarur dhe llogaridhënie për përdorimin e forcës nga policia.

Në reagimin e tyre, Demokratët Evropianë thekosojnë se i riu u qëllua në sy me një plumb gome nga policia dhe se shikimi i tij është në rrezik.

“Z. Rama, mbrojtja e qytetarëve është detyra juaj, jo një akt bujarie personale. Kujdesi mjekësor është një e drejtë, jo një favor nga Kryeministri”, thuhet në reagim.

Demokratët Evropianë kërkojnë dhënien fund të asaj që e cilësojnë si dhunë joproporcionale nga policia, duke theksuar se Shqipëria ka nevojë për llogaridhënie dhe jo për vetëpromovim politik në kurriz të një të riu të plagosur.

Reagimi i PDE / EDP – Demokratët Evropianë:

Në Tiranë, 28-vjeçari Erjon Vishkulli u qëllua në sy nga një plumb gome i policisë. Shikimi i tij tani është në rrezik. Ne kërkojmë një hetim të pavarur, llogaridhënie dhe dhënien fund të dhunës joproporcionale nga ana e policisë.

E çfarë bën Edi Rama? Ai përpiqet t’i atribuojë vetes meritat për sigurimin e trajtimit mjekësor të të riut — një pretendim që është hedhur poshtë publikisht nga vetë familja e Erjonit.

Z. Rama, mbrojtja e qytetarëve është detyra juaj, jo një akt bujarie personale. Kujdesi mjekësor është një e drejtë, jo një favor nga Kryeministri.

Shqipëria ka nevojë për llogaridhënie, jo për vetëpromovim politik në kurriz të një të riu të lënduar, Erjon Vishkulli.

gijotina.com/

The post Demokratët Evropianë: Kërkojmë hetim të pavarur, Erjon Vishkulli meriton drejtësi, jo propogandë appeared first on GIJOTINA.